رمشه بحر

رمشه بحر @rmshh_bhr

عضوة نشيطة

بليزززززززز يابنات الرياض

ساعدوني

والله العظيم محتاجه الى اخصائيه تغذئيه بالرياض يعني بتحديد في شمال الرياض
او حول العليا او طريق الملك عبدالله
وانا توني ساكنه بالرياض ولااعرف احد
وزني زاد مره بعد ولادتي صرت فيل و لاني ماتحزمت بعد الولاده
الله يخليكم ساعدوني :( <<<احس اني سالي بكلمه ساعدوني هههههههههه
6
1K

يلزم عليك تسجيل الدخول أولًا لكتابة تعليق.

تسجيل دخول

Butterflly k s a
Butterflly k s a
شوفي فيه أخصائية تغذية بمركز رياض الهجن على طريق الأمير عبد الله
مره حبوبه
رمشه بحر
رمشه بحر
تسلمين ياعيوني انك جاوبتيني في الحظات الاولى من حطيت موضوعي
طيب وش اسمها؟
وكيف اسعارها ؟
احد جربها قبل ؟؟
ومره الثانيه الله يعطيك الف عافيه
it's me
it's me
اهلين حبيبتي
ايه والله صادقه بترفلاي
انا وحده من صديقاتي راحت لها
ومررررررررره استفادت منها
روحي وجبريها :27:
Butterflly k s a
Butterflly k s a
رمشة بحر ماعندهم إلا هي مصريه اما عن الاسعار مدري بس اتصلي وأسألي
وخذي لك موعد
تتابعك وتطور لك الحميه كل فتره
ولو تبين تحطين ابر بأذنك علشان تفقدك الشهيه بعد يحطون لك
غادة الغيد
غادة الغيد
حبيبتي اسمها الدكتورة رندا لان عندهم دكتورة سمية..

بس المشهورة والشاطرة رندا بس مع الاسف صح تنقصين معاها بس ما يسوون تحاليل ..

ونظامها حيل جامد يعني يتراوح من400 سعرة الى700 سعرة والمفروض مايقل عن الالف او800 ..

واسعارهم اربع زيارات بـــ200 ريال على اساس كل اسبوع زيارة تسئلك فيه الدكتورة عن الاكل الي انتي ودك يكون بنظامك..

تنقصين معاها ان شالله بسرعة بس الاهم انك ماترجعينهم بسرعة..وهذا ماخذ على الدكتورة ان الغالبية من ينتهون من عندها ويرجعون ياكلون لو اكل عادي يسمنون ثانية..


عندك كمان الدكتور خليل في مركز الرثوية وهو تقاطع الملك فهد مع العروبة تجيك المملكة يمين وهو يسار وانتي جايه مع الملك فهد متجهه شمال..

اسعارة تتراوح من 600 ريال مع التحاليل وكل شهر ينزلون لك لكن مو شرط كل ماقال تعالي مراجعه تروحين مشيها اسبوعين ثلاثه وبعدين روحي له منها توفير ومنها تنقصين اكثر..

عندك كمان امل كنانة وهنادي السوسي في مركز الحبيب الطبي نظامهم نزول بطئ ولكن صحي ومتكامل وصعب انك ترجعين الكيلوات بسهولة.. وكل شهر زيارة وحدة بــ150 ريال

عندك النادي الصحي في المركز التخصصي الطبي عندك نادي راقي وفيه المدربة سوسو تعمل لك رجيمات خياليه وتنزلين معها بشكل حلوووو متزامن مع الرياضة والسباحة..وال بي جي..


اتمنى افدتك لكن هذولاء اشهر المراكز بالشمال بشهادة الجميع وبتجربتي الشخصية..