حبيبتي والله اني حاسه فيك
بس ابدا ماانصحك تفكرين ان الطلاق حل لانك اول وحده راح تنضر وهم ماعليهم خلاف
وانا اقولك عن خبرة انت شكلك توك عروس
لا تطيعين زوجك في طريقة تعاملك مع اهله قولي له حاضر وعلى امرك علشان مايزعل وطيبي خاطره لكن انت تصرفي حسب ماتشوفين مناسب انا اكنت اطيع زوجي اقول هو ادرى باهله وماارتحت الين طنشته وصرت احكم عقلي واتصرف من حالي وانت شكل عقلك كبير فلا تنزلين لمستواهم عامليهم برسميه حتى لو زوجك قلك امزحي وسولفي انت ادرى باللي يجيك من وراهم وخليك طبيعيه لاتبينين انك زعلانه او جايه غصب عنك وخليك ضيفه في بيتهم واذا احد طلب منك شئ من اغراضك اعتذري باسلوب حلو ولاتعطينهم شئ ولاتطالبينهم باللي راح علشان تتجنبين اي تواصل معاهم

واذا حد غلط عليك نحسبي عليه ( حسبي الله عليك ونعم الوكيل ) والزمي الاستغفار وادعي اللهم من ارادني بسؤ فاجعل كيده في نحره واجعل تدبيره تدميره يارب العالمين اللهم اكفنيهم بما شئت وكيفما شئت

وربي ييسر امرك ويشرح صدرك

ترى انا نفسك اسبوع العسل سافروا معي الشله كلهم امه وخواته واخوه الصغير حتى النوم سوى والحمام واحد وربك يصلح الحال

الله يكون بعونك

واصري على موقفك بالنسبة للروحة عندهم مرة بالاسبوع تكفي وقولي له بعد عشانك ترتاح من المشاكل وكثر الكلام حشى كل يوم مو شي طبيعي ترى يااختي كثر الاحتكاك هو اللي جاب هالمشاكل الله يسخر لك زوجك ويفرج همك اللهم آمين

حبيبتي منتي مجبوره على زيارة أهله والسوالف معهم غصب ولاتسمعين كلامه كل ما قال يلا بنروح لأهلي تروحين
طلعي لك شغله قدامه إذا قال بروح لأهلي وقولي عندي وعندي مره مايمديني ,يعني بمعنى أصح تحدين من علاقتك معهم وروحاتك لهم وإضبطيها بيوم واحد بالاسبوع بطريقه غير مباشره كل مايقول يلا إعتذري بشي وإذا رحتي لهم غيري معاملتك وخليييك جداااجدااا رسميه ولاتدخلين بشي لهم عشان مايدخلون هم بعد وحاولي ماتطولين وتعذرين بأي شي وإطلعي من عندهم قولي مصدعه وإلاأي شي وكل مره طلعي لك عذر من ناحية الروحات لهم ومن ناحية الجلسه عندهم إختصريها,ولا تفكرين بالطلاق إذا زوجك تمام معك من النواحي الثانيه ولا وتهدمين حياتك على أشياء وأسباب إنتي تقدرين تضبطينها ولا تضعفيين .

الحين انت بتطلبين الطلاق علشان هالسبب لو ان زوجك مايصلي او راعي مخدرات او خيانات كان قلت مسألة فيها نظر لكن علشانه يطلب انك تزورين اهله فغلطانة يعني تطلقتي وبعدين ؟من بيتزوجك؟وهل بيكون مثل طيبة زوجك الاول؟

صحصحي شوي وسايريه خاصة ان ام زوجك باين انها حقانية ولا هيب شرانية \يعني الحين سوي غسيل دماغ لزوجك بس حبة حبة مو مرة وحدة-
يعني اول خطوة ام زوجك على رأسي -اخوته اصير رسميه معهم -حتى لو ضغط عليك زوجك قولي احاول- ان شاء الله -يعني لاتعاندينه-
شوي شوي خفي الزيارة عنهم وراح يتقبل هو هالشيء بعدين -

اختي كل شيء بالتفاهم يصير يعني الصراخ والمشاكل والصياح ممنوع -
خلي هذا مبدأك معه وان شاء الله تتصلح امورك بس الصبر لان الحياة الزوجية في بدايتها صعبة مع الوقت راح تكون ذكرايات وتجارب تنفعك في حياتك-

قبل مااخلص كلام اطلبي من كل وحدة خذت منك غرض ترجعهن وخاصة حقت الشنطة 0حتى لو مااحتجتي لهن -وهذي اول خطوات الرسمية والتعامل مع الناس الي مغسول وجههن بمرق-