السلام عليكم ورحمة الله وبركاته
مساء الخير بنات
بدخل في الموضوع بدون مقدمات
أنا عندي 6 صديقات ودايم نكون مع بعض وصار لنا 12 سنة وحنا صديقات والى اللحين صداقتنا قويه ( الله لا يفرقنا )
وف كل مناسبة مفرحه ولا حزينه القاهم جنبي دايم
و قببل 6 شهور توفت أمي الله يرحمها ويرزقها الجنة يارب بسبة مرض خبيث هالشي آلمني واااجد وصدمه قويه بالنسبة لي ماتوقعت أبداً أنها في يوم من الايام ماراح أشوفها :'( ، لكن مالنا إلا الصبر " ياليت الكل يدعي لها بالرحمة "
طبعاً صديقاتي كلهم جو لي من سمعو بالخبر وكل أيام العزاء كلنو حولي ماعدا صديقه وحدا ماجت لي ولا كلفت على نفسها تتصل علي ولا حتى بعد أيام العزاء جت لي ، أنا قلت براحتها بس آلمني أنها ماحست فيني
وبعدين كلمتني واتساب بعد شهر تقريباً قالت انها تدري غلطانه وانها ماقدرت تجي لي بسبة ظروف و تتمنى اني مازعلت منها وامك الله يرحمها ويرزقها الجنة يارب
انا من النوع اللي ما أجرح أحد ولا أزعل من احد
قلت لها ماتقصرين وسكت
قالت لي زعلانه مني ؟ قلت لها لا " لان مايحق لي ازعل هذا واجب واهي ما أدت الواجب ليش ازعل عليها اهي براحتها تجي او لأ "
وبعد مدة صارو صديقاتي يجتعون ويبوني اجتمع معاهم بس انا نفسيتي ماتسمح ولا اروح لهم والى اللحين ما اجتمع معاهم
لكن حتى اهلي قالو لي مايصير كل مرا يبونك تروحي لهم ولا تروحي ، لازم تجتمعي معهم تغيري لك جو
بس أنا ماودي أشوفها ، أحس نفسي لين اللحين عتبانه عليها
يقولون الصديق وقت الضيق
واذا اهي ماشفتها في أضيق موقف مر علي ، متى راح أشوفها أجل !
شورو علي وش أسوي أحترت ؟
قمر . @kmr_62
عضوة جديدة
يلزم عليك تسجيل الدخول أولًا لكتابة تعليق.
في القلب دكراهم
•
الله يغفر لاميمتك ويرحمها ويغمد روحها الجنه واقول روحي لهم ووسعي صدرك بس
الله يغفر لاميمتك ويرحمها ويغمد روحها الجنه واقول روحي لهم ووسعي صدرك بسالله يغفر لاميمتك ويرحمها ويغمد روحها الجنه واقول روحي لهم ووسعي صدرك بس
تعودي ما تنتظري من احد شيء الا ربك من جا حياه الله ومن غاب براحته بعدين تقولين صديقتك تقول كان عندها ظروف يعني ما بتتخلى عنك من فراغ نفس اللي مخليك ما تروحين لصديقاتك وكاتم على صدرك يمكن هي مرت فيه بس بظروف ثانية باختصار اعقل الناس اعذرهم للناس .. بعدين يمكن حست انها وهي متضايقة ماراح تقدر تواسيك يعني كبر الضغط النفسي خلاها تصير بعيدة واكيد ما غبتي عن دعواتها للصاحب 99 زلة هالزلة يمكن تبعدكم عن بعض تتوقعين تتساهل تخرب صداقة سنوات طويلة .. الله يمسح على قلبك بالرضا والايمان والسلام والله يرحم والدتك ويجعلها من أهل الفردوس وجميع المسلمين والمسلمات
im-tired
•
ياختي هي اعتذزت وقالت لك عندها ظروف .. ادري اللي مريتي فيه صعب لكن المسلم يخلق الاعذار لاخيه المسلم فما بالك بصديقة عمر .. حطي نفسك مكانها ... لا يصير قلبك اسود .. وجودها ما كان بيقد ولا ياخر ولا اتوقع ان وجودها بيرجع امك الله يرحمها .. كبري عقلك .. اسفه اذا كلامي كان قاسي بس لازم الواحد يعطي الامور قدرها ..
الصفحة الأخيرة