بليز بليز ساعدوني

السلام عليكم

اخواتي محتاجه منكم افكار كيف اخلي زوجي يتحمس للفكرة

انا الحمد لله رب العالمين كانت علي اقساط والتزامات مادية والحمد لله بفضل ربي خلصتها وحابة هلا استثمر فلوسي باشي للاخره وهي اني اكفل يتيم مو متخيلين شو متحمسة للفكره ونفسي اعملها بس اتخيل الخير الي راح يجيني من هالموضوع

دورت بالنت وسالت واتصلت بالجمعية الخيرية وضل احكي مع زوجي..حكيتله الفكره وانها تكون شراكة هي الكفالة ب 300 ((مبلغ جدا هين )) انا 150 وهو 150 لداخل الدولة ولخارج الدولة بس 150 درهم بنظري مبلغ كتير مقدور عليه وكان بامكاني اكفل اليتيم لحالي بس انا حابة زوجي يشاركني بالاجر

حكيتله من اسبوع الفكره وحكالي اوكي بس في اسئلة لازم اسالها واعرف كل شي حكيتله خلاص بجيبلك الرقم..وجبتله رقم الجمعية مع الاوراق وكل المعلومات بس مااتصل وانا الصراحه بعرف زوجي من النوع الي لازم اضل ازن فوق راسه ..وبحب ياخد كل الامور بهدوء وبرواء وانا ما بدي استنى لو يصحلي اليوم قبل بكره ما بحكي لا ليش نتاخر ونفكر اذا الشغله بايدنا وبمقدرتنا

بدي افكار منكم تساعدني اشجع زوجي واقنعه لانه عندي احساس اذا استنيته راح يتاخر الموضوع بالشهور وهو ياجل ويماطل وينشغل بدي اياه يتحمس للفكره مثلي

وفكرت اكفل اليتيم لحالي بس زوجي اذا عرف راح يزعل كتير كيف اكفله من وراه او اني ما استنيته يشاركني

والحمد لله صليت استخاره وكتير مرتاحه للموضوع

بليز ساعدوني

..وكمان بنصح كل وحده بتشتغل والله عاطيها رزقه انها تكفل يتيم لانه المبلغ هين واعتقد لو الوحده فينا تخيلت انها رايحه على السوق واشترت بلوزة مع قلم روج مع عشا بالمشوار الواحد راح تدفع اكتر من كفالة هليتيم بالشهر