سـحــ الورد ــــر @sh_alord_r

عضوة مميزة

بليز بنات اللي تتابع مواضيعي تدخل

بنات في الأيام الاخيره صرت اعاني من مضايقات بخصوص مواضيعي
سواء الوجبات اللي انزلهافي قسم السمنه او موضوعي رجيمي بالصور او موضوعي للتثبيت
او ملاحظاتي لليوم المفتوح ( طبعا في من المواضيع اللي انا منزلتها في منتدى ثاني )

اللي تقول انتي بدل ماتنحفينا بتخلينا ننتفخ واللي تقول اكلاتك ماتصلح للرجيم
واللي تجلس تدعي وانا مااحب هذي الدعوات وانا في غنى عنها
ولو مواضيعي فيها شيء كان مانزل وزني من 87 إلى 55 قولو ماشاء الله
واللي واللي كثير مضايقات واللي تقول انتي بتزيدي اوزانا بدل ماتنقصيها وكثير كلام
انا لما نزلت أي موضوع من مواضيعي هدفي بس انا الكل يستفيد من تجربه انا جربتها
ونجحت فحبيت غيري يستفيد
والحمد لله كثير من العضوات جربوو واستفادو من تجربتي وحققو نجاح ..
وانا ماطلبت من احد إلا الدعوه الصادقه واللي ماتبقى تدعي لي لاتدعي علي
واللي تقول وجباتكم فيها زيوت وانتي بتزيدي وتخربينا وانا والله صادقه بكل كلمه وهذي
الوجبات مافيها زيت ولا قلي ولو كان شيء مقلي في ايامي انا اقول مااخبي
فإاذا كنت سببت لأي شخص اساءه او سببت أي اذى لأحد فأنا اعتذر
لأني والله اتقبل الاسئله بكل صدر رحب وحتى الرسايل اللي توصلني اللي فيها استفسارات
بالعكس رغم مرات ضروفي الا اني اجاوب عليها قد مااقدر
وعمري ماتجاهلت أحد بس انها توصل انا احد يغلط علي فأنا مااقبلها على نفسي ..
وانتو بعد ماترضونها لي
لأن من غير المعقول انا ابقى الخير للجميع والناس تدعي علي مو لي
صحيح اللي توصلني منهم كلام يجرح مو كثر الجزء الثاني اللي يأيدني اكبر بكثير
واتمنى منكم تتقبلون كلامي بصدر رحب
وانا من اليوم قررت إني مانزل أي وجبه من وجباتي أو طريقتها لاني مااحب احد يدعي علي
وماراح انزل اي شيء في مواضيعي سواء رجيمي او موضوعي اللي للتثبيت
لأن انا مااحب اعمل خير وينقلب شر
مع انا والله مانزلت مواضيعي إلا حتى الكل يستفيد ..
ولو في نظامي خطأ كان اكبر دليل القروب حقي كان مافي احد اشترك في قروبي ( اقصد في قروبي في منتدى ثاني )
ولله الحمد حقق نجاح كبير جدا
هنا انا مشتركه في قسم الرشاقه فئة الفريق الوردي
وانا ماغصبت احد انه ياكل مثل وجباتي انا حطيتها للي يبقى يستفيد بس ولأن كثير كانووو
يبقوني انزل مثل هذي الاكلات
وحتى فيه بنات لما تدخل مواضيعي ماتقول ماشاء الله واللي تقول لي اووف ياحظك
نقص وزنك على كل هالأكل اللي تاكلي لو انا مثلك كان وزني يزيد دبل
وكثير مايعرفون إني يمكن وجباتي منوعه لكنه مو كثيره وتقريب الصوره تعطي غير الحقيقه
في كثير من الاوقات ولا اغلب الصحون اللي استخدمها في حجم كفة اليد او مرات اكبر بشي بسيط
وينسون انا الرياضه والتعب لها دور كبير ومافي شيء يجي بسهوله
والتنوع في الاكل الصحي افضل من التخبيص مافي فايده لما آكل قليل وبعدها اخبص بالاكل
وانا كان هدفي من مواضيعي انا مو بس الرجيم هو اللي ينزل وزن ومو بس اللي يشترك في نادي
هو اللي ينحف ومو الحرمان هو السبيل الوحيد لنزول الوزن
الحرمان انا عندي بحدود والواحد اللي يبقى ينزل وزنه يقدر ينزله وهو بالبيت ومو شرط يتبع رجيم معين
ومو شرط يشترك في نادي وبس
وبالعكس انا اتقبل الملاحظات بكل رحابة صدر لكن توصل للتجريح فهذا اللي مااحبه ابد
انا اعتذر منك مره ثانيه على الاطاله لكن الكلام ضايقني كثير كثير
وانا ابد مو مرتاحه
والاجر عند الله ابد مايضيع

ملاحظه : اللي شافت شيء في مواضيعي او انها غير مفيده ياليت تخبرني
لكن بدون تجريح
واتمنى القى عندكم الاجابه

واكيد ماانسى أشكر أي وحده جربت موضوعي واللي ساعدوني وأيدوني اني انزل مثل هذي المواضيع

وكان متحمسين مع مواضيعي كثير

يلزم عليك تسجيل الدخول أولًا لكتابة تعليق.

تسجيل دخول

خلآًص عآد سجلوني • 14 سنة

لا حبيبتيّ لاتهتمي لكلـآم الناس
والله يجزاك الجنهـ واعالي الجنآن
صحيح ماني متابعه لمواضيعكِ
لكن نجحتي نجاح كبير
والله يوفقك يالغلـآ
ويحيمميك من عيون الناس
كل الود :26:
لـ سحر الورد
أستمري

صلوآ ع حبيب

نجدية شرقية • 14 سنة

الله يجزاك خيرر
مجهودك اكثر من رائع
بارك الله فيك يالفاليه

غروب • 14 سنة

جزاك الله خير

ولاتهتمي لكلام النااااس انتي كتبتي تجربتك

ولااجبرتي احد يجرب ماعليك من احد واصلي ولاتلتفتي لكلام الناس

واللي يدعي عليك بدون حق مردود عليه دعاؤه

bobo_87 • 14 سنة

بيبتي لا يهمك و لا شي

في ناس مريضة و همها بالدنيا انها تكسر مجاديف المقابل

بس عندي لك طلب صغيرون ياريت تسوين كل اطباقك بملف عشان تسهلين علينا مشوار البحث

و شكرا لك و الله يجزيك على قد نيتك و يوصلني لرشاقتك

أم طموحه • 14 سنة

bobo_87 :

بيبتي لا يهمك و لا شي في ناس مريضة و همها بالدنيا انها تكسر مجاديف المقابل بس عندي لك طلب صغيرون ياريت تسوين كل اطباقك بملف عشان تسهلين علينا مشوار البحث و شكرا لك و الله يجزيك على قد نيتك و يوصلني لرشاقتك

بيبتي لا يهمك و لا شي في ناس مريضة و همها بالدنيا انها تكسر مجاديف المقابل بس عندي لك طلب...

ماادري بس المرضى والحمقى بكل مكان ...يعني انتي ماغصبتي احد ياكل نفس اكلك ...
واللي ضايقوك هم ناس مرضى وحقودين وغيورين باختصار ...ولا الجميع يعرف انه التخفيف مع الرياضه هو اللي يعطي نتايج حلوه ومن دون اكتساب الوزن مره ثانيه بسرعه ..لانه زي ماقلتي مافيه حرمان ...
انا عن نفسي اذا بغيت اتشجع افتح موضوعك ...مره مفيد ...والله يجزاك كل الخير ...