بليز بنات ساعدوني معجناتي تطلع قاسيه

شوفي حبيبتي انا عجينتي مره حلوه والكل يمدحها
هي عباره عن
2كاس ماء فاتر
1كاس حليب بودرة
نص فنجان سكر
ملعقه صغيرة ملح
ملعقتين كبير خميرة بس مو مليانه مره
ملعقه صغيره بيكنج بودر
نص كاس زيت
اخلطي كل هالمقادير مع بعض واحسن شي بالخلاط
بعدين اضيفي 2 كاس دقيق واخلطي زين
وبعدين اضيفي كاسين دقيق واعجني لمده ربع ساعه ولو بالعجانه احسن
بتطلع مولينه ولا قاسيه
خليها ترتاح لين يتضاعف حجمها
وشكليها على راحتك
واتركيها برضو ترتاح لين يتضاعف حجمها واخبزيها بالفرن
واحسن تكون الصينيه اللي بتخبزين فيها تيفال علشان ماتلزق لانه لو دهنتيها بالزيت ممكن ماتطلع العجينه حلوه
وبس اتمنى تجربينها وتعجبك

عجينة العشر دقايق هي نفس عجينة الاخت اليخت المبحر بس في المرحلة الثانية احط بدل كاستين دقيق 3 كاسات دقيق

انا هاي العجينة استخدمها بكل المعجنات صراحة لذيذة ولينة كمان

" عجـــينة الفطـــائـــــر "
المقــــــــادير :
مقادير{أ}
3/ ملعقة كبيرة سكر
3/ ملعقة كبيرة حليب بودرة
ذرة ملح
نص / كاس زيت
2/ ملعقة كبيرة خميرة فورية
2/ كاس مــــــاء
مقادير {ب}
3/ كاس دقيق كويتي
الطريقة :
توضع مقادير {أ} في الخلاط ثم تصب على مقادير {ب} وتعجن " لمدة نصف ساعة او اكثر ....
وبالعافية

حطي معها زبادي او لبن ولا تكثير مويه

أختي اذا طلعتي الفطاير من الفرن غطيها بفوطه وراح تكون لينه بالتوفيق :biggrinlo