بليز دكتوره الله يعافيك

السلام عليكم ورحمة الله وبركاته

دكتوره حبيت اسالك انا بنتي بعد كم يوم بتكمل 11 شهر ووزنها 8ونصف
وللاسف لحد الحين مو طالع لها ولا سن
ترضع من اربع الى خمس رضعات باليوم حليب بليميل بلس 2
اعطيها سيريلاك يمكن 3 ملاعق بس ماترضى تكمل الباقي
حاولت معاها بالخضار بس رافضه بتاتا
اعطيها زبادي دانينو بالفواكه الفراوله المشمش تتقبله احيانا مو دايم
ماتاكل ابد ابد بس حليب
هل اقدر اعطيها فاتح شهيه او لا؟
في تاريخ 10_12
اول يوم بالعيد الاضحى صار معاها اسهال بدون حراره واستفرغت بس مره
وديتها للمستشفى اعطاني الدكتور محاليل الاسهال واستخدمتها وقال اغير الحليب الى حليب بليميل بلس ال اف
وفعلا غيرته
والحمد لله وقف الاسهال
رجعت بعدها بكم يوم للحليب العادي ورجع الاسهال
ورجعت حليب ال اف ووقف على طول
من هذاك اليوم لحد اليوم هذا وهي تعاني من الاسهال لان طول الفتره هذي انا استخدم ال اف واخلط معه العادي مثلا
المويه احط الى 150 احط 2 ملعقه عادي 3 ملاعق ال اف
ومافيه اسهال
بس امس حطيت وحده ال اف و4 عادي رجع مره ثانيه
يعني يادكتوره مو معقول طول الفتره هذي معاها اسهال ؟ووش ممكن يكون السبب؟
انا باديه اعطيها فيتامين vd3من ثلاث ايام
حاليا هي تعبانه معها كحه وحساسيه واستخدم لها دواء فينيستل
اسفه دكتوره طولت عليك بس اتمنى تفيديني الله يعافيك ولا يحرمك الجنه يارب..