بليز دلوني - ماذا افعل - بنت خالتي

السلام عليكم بنات

بجد واجهت مشكلة من يومين ما يعلم بيها الا ربي
كنت نايمة و رن التليفون الساعة 11 و نص باليل
اختي ردت و لقيتها بتصرخ في التليفون
انا قمت من النوم و جاتني حالة صدمة ما ادري ليه بتصرخ
بقولها في ايه بتقولي ((( --------- ))) بنت خالتك حاولت الانتحار
لا حول ولا قوة الا بالله العلي العظيم
انا صرخت و قولتلها انتي هبلة ايه اللي بتقوليه دة و خطفت سماعة التليفون منها
لقيتها بتبكي علي التليفون
ايه يا بنتي اللي بتقوليه دة انتي بتهرجي - حد يهرج في حاجة زي ديه
قالتلي مبهرجش انا
اخدت 13 بنادول و 13 كتافلام و 10 معرفش ايه و معرفش ايه كماان

انا اللي جه عليا بصيح و ماني قادرة افهم في ايه
حلفتني اني ما اقول لحد
قفلت التليفون في وشها
ماشية في الغرفة انا و اختي زي المجانين
نعمل ايه
طيب اقول لامي ازاي
اقول لابويا ازاي
اتصل بأمها اصلا اقول ايه
و ابكي و مش لاقية حل

مسكت التليفون اتصلت علي خالتي
رد ابن خالتي الصغير
قولتلوا فين اختك قالي في غرفتها
قولتلوا ادخل قولها تقوم ترد عليا
اخد التليفون و راح لها - رفضت ترد عليا
قفلت التليفون
اتصلت علي خالتي
قولتلها بصي كدة بهدوء بنتك اخدت كذا و كذا و كذا

و قفلت التليفون عشان مسمعش ولا كلمة ولا صوت
رن تليفون غرفتي
رديت لقيتها خالتي
بتقولي فين والدتك
قولتلها في غرفتها
قفلت عندي و اتصلت علي غرفة امي لقيتها نايمة
اتصلت بيا تاني قالتلي
انا نازلة المستشفي عشان نعمل ل ((( -------- ))) غسيل معدة
لانها جالها هبوط و بدأت في السقوط

انا خرجت من غرفتي ببكي و بصوت و رحت علي غرفة بابا و ماما
بقولهم (( ---- )) هتموووووت و ابكي
بابا و ماما اتفزعوا
قالولي في ايه
قولتلهم انزلوا لخالتوا بسرعة هيا رايحة المستشفي عشان يعملوا غسيل معدة ل (( --- ))
طبعا لبسوا و نزلوا و راحوا علي النستشفي
اول شيء ما عارفوا والدها لانة مريض و ممكن يموت فيها

والدي اول ما شافها ضربها

هو دكتور
فخرج امي و خالتي من غرفة العمليات عشان يسوا غسيل معدة
لان ((( ------- )) كانت رافضة و تقولهم سيبوني اموت
فخرجهم عشان يكتفوها و يغصبوها علي الغسيل

المهم تم الغسيل و روحت بيتهم و عادي جدااا

الكلام دة كلة خلص الساعة 4 الصبح

الصبح لما صحيت بقول لماما كلمتي خالتي قالتلي اهه
قولتللها (( --- )) عاملة ايه
قالتلي راحت المدرسة

قولتلها اييييييييييييييييه بتهرجوا
قالتلي والله راحت
و لما امها شافتها الصبح بتقولها رايحة فين قالتلها المدرسة اصلي زهقانة
قالتلها يا بنتي ارحمينا قالتلها ارحموني انتوا و نزلت

المهم ما نطقت

راحت المدرسة حكت لاصحابها علي اللي حصل (((((((( جالي صدمة لما عرفت )))))))))

اليوم قابلتها
بقولها ممكن افهم ايه اللي عملتيه دة
قالتلي ما بريد اتكلم في هالموضوع
اولتيلها ما راح اتكلم بس لينا كلام مع بعض و ضروري

للعلم عمرها 16 سنة

و احنا مروحين من النادي قلتلها
نسيتي ان في رب شايفك
قالتلي انا قرفانة

قلتلها عملتي ايه في دنيتك اصلا عشان عاوزة تموتي -- مستعجلة علي الموت ليع
عملتي ايه يدخلك الجنة
و كمان بتنتحري يعني هتموتي كافرة
مش هينفعك اي حاجة و لو حتي دعوة من امك هترحمك من عذاب ربنا
قولتلها انتي ايه مفكرتيش لحظة ان ربنا موجود
قالتلي لأ
قلتلها انتي اتجننتي بقي ( اتقي ربنا يا بنتي ايه دة )
قلتلها مفكرتيش في اهلك
لو حد عرف ازاي هيرفعوا عينهم بعد كدة في وش حد
قالتلي انا هانت عليا نفسي
فهما مش مشكلة بالنسبالي
قلتلها ازاي يعني

قلتلها انتي عارفة التفكير اللي جه في دماغ كل واحد فينا لما عملتي المصيبة ديه
قالتلي اه طبعا عارفة انتوا فاكرين اني علي علاقة بالحرام
قولتلها مخفتيش ان حد يفكر فيكي بالمنظر دة في يوم
قالتلي لا لاني معملتش حاجة
قولتلها حتي لو معملتيش هنفكر ان عملتي
لان دة السبب للانتحار
و كمان ازاي تقولي لاصحابك انتي بتفضحي نفسك
قولتلها افرضي وحدة كويسة معاكي و زفت من وراكي
تشوه سمعتك
قالتلي لا هما كويسين
قولتلها مين قالك قاللي مانا عارفة
قلتلها مانا كنت عارفة انك عاقلة و عارفة ربنا
طلعتي ولا شيء

قالتلي انا عاوزة اقولك حاجة
اللي يفكر في الانتحار مرة يفكر فيه مليون مرة و عادي يعني

انا جاتلي صدمة
قولتلها يعني هتعمليها تاني ولا ايه
قالتلي معرفش احتمال

كنت هصيح

قلتلها قبل كل شيء فكري في ربنا و بعدين اهلك


عارفين كل الموضوع دة ليه
عشان اتعاركت مع امها

للعلم بيتعاركوا في اليوم ازيد من 10 مرات
بس ما ادري ليه المرة ديه سوت كدة

و بعدين قالتلي ماحد يكلمني بالموضوع دة تاني
لاني مش عاوزة اكلم حد فيكوا اصلا



قولولي اعمل ايييييييييييييييه
بلييز اللي عندة نصيحة يقولهالي
اللي عندة حاجة معينة اقنعها بيها يقولي

امها و ابوها و امي مازالوا في حالة صدمة مش قادرين يتكلموا ولا ينطقوا معاها

اللهم اكفينا شر الفضيحة و اهدينا يارب العالمين