بليز ساعدوني عشان اخي بيضيع

السلام عليكم ورحمه الله وبركاته

انا هدخل في الموضوع على طوول
انا شيماء من مصر 20 سنه عندي اخ دلوقتي 11 سنه
سامحوني لو طولت بس بليييييييييز محتاجه لحل
انا كنت محتفظه بفساتين و تاييرات ليا و انا صغيره كنوع من الذكرى
كان اخي عنده 5 سنين تقريبا
لما كان يعمل حاجه غلط او على سبيل المثال يحاول يضربني نوع من المشاغبه
ماما تعاقبه
بانها تلبسه فستان من فساتيني
لانها كانت تقريبا في مقاسه فكانت تتخذه اسلوب عقاب
الموضوع تكرر اكتر من مره
مره تلبسه فستان مره تلبسه تايير وكأنها بتنوع له اللبس
بعدها بدأت تعامله كأنه بنت مثلا تعالي يا حلوه يا قموره وهكذا ده كان لمده يوم بس لما يغلط
هو كان دايما يتعصب
لدرجه ان الحكايه دي حصلت وكان في ضيوف ماما بتقول له يا بنوته يا قموره
انا الصراحه تخيلت نفسي مكانه لو كنت ولد لقيت احراج رهيييييب
المهم من غير ما اطول كان كل مره يحاول يقلع الفستان وماما تقول له لو قلعته هتتضرب
ويفضل طول اليوم لابسه واحيانا بيبكي
اختفت حكايه العقاب دي فتره طويله
لحد ما وصل 10 سنين
بدأت احس ان في حاجه غريبه يحب الانعزال يلعب في متعلقاتي ميك اب بالتحديد يحب لما نخرج يفضل قاعد لوحده مره ماما و بابا خرجو وراقبته كنت عامله نفسي نايمه
وبصيت عليه لقيته دخل الغرفه فاتح الدولاب وقلع ملابسه وبدأ يلبس ملابسي القديمه ويستعرض كأنه بنت ويلبس الفستان بتاعي دخلت عليه فجأه بقوله بتعمل ايه ؟ قال لا لا عادي بمثل
المشكله ان الحكايه دي حصلت اكتر من مره
يعني من غير اجبار ماما او اي حد
اللاقيه بدأ يلبس الحاجات دي ادام عيني
ويخاف يلبسها عند ماما او بابا يمكن خوف او احراج
وبدأ يلبس باقي الملابس اللي تيجي بمقاسه ويستمتع بها كأنه بنت حقيقيه
بدأ فساتين - تاييرات -حتى المايووه بتاعي وانا صغيره-جيبات ......الخ الخ الخ
ويقف امام المرايه ويبص لنفسه ويبتسم كانه فرحان ان الفستان او التايير على مقاسه
بليييييييييييييييز قولوا لي حل له
ايه الحل؟؟
بلييييييييز محتاجه حل ضروري في حين اني حاولت انهيه قلت له انت ولد عيب وهو كأنه مش بيسمع مني خالص
بالعكس احس انه يزود اكتر كأنه بيعاند
وقلت له الفساتين والحاجات دي للبنات بس انت ولد يعني راجل يقول اوكي او طيب
ويرجع زي الاول
لدرجه انه كان في الشقه لوحده دخلت عليه لقيته لابس فستاني لما كنت صغيره وماسك شنطتي
بليز انا مش عارفه اعمل معاه ايه؟
جيت في مره جمعت الحاجه كلها في شنطه واخفيتها
لما انام ولا اخرج ينتهز اي فرصه يكون فيها لوحده ويطلع الشنطه ويرجع زي الاول:44:
وكمان لاحظت عليه اختياره للالوان كلها الوان بناتي
يختار الاحمر-الوردي-الروز-الفوشيا
قلت لماما عالموضوع ده مش مهتمه لكلامي تقولي تلاقيه بيتدلع عليكي بس
وبابا نفس الموضوع
بلييييييييييز محتاجه و منتظره الحل؟؟
واتمنى انكم ما تخذلوني
بجد انا محتاره معاه فعلا خصوصا انه لسه صغير
منتظره ردودكم بفارغ من الصبر
اختكم شيماء:(