بليز ساعدوني في نظام البوفيه ,,,,,,,,&&

طيب كيف انتي بتجيبينه جاهز والا من تصليحك الاطباق بتكون؟

ادخلي اطباق عالم حواء تلقين بنات حاطين عزايمهم شوفي وش مسوين وسوي مثلهم

لالا بيكون من تجهيزي انا!!!!!!!!!

شوفي حبيبتي .. انا عن نفسي افضل نظام البوفيه صح انه يتعب اكثر لكن بصراحة يبين جهدك وتعبك وأرتب وانظف

اول شئ يعتمد طبعا ع عدد المدعويين ..يعني اذا خمس أشخاص بس يختلفون في عدد وكمية الأطباق اللي بتقدمينها لعشرة مثلا ! انتي اسألي زوجك ومن نفسك قدري الكمية المناسبة

ثاني شئ .. يفترض يتوفر عندك طاولات للعرض .. يكون تقسيمها كذا مثلا .. جزء للسلطات والمقبلات .. الثاني الأطباق الرئيسية .. والأخير التحلية والحلى

المقبلات بإمكانك تحضرين مجموعة سلطات .. مثلا فتوش , تبولة , سيزر , سلطة يونانية او اللي تبين وتضيفين معهم مثلا حمص , متبل , بابا غنوج , ورق عنب .. وع الجنب حطي سلة فيها الخبز , وفي فكرة سهلة وحلوة لبوفيه السلطات قد سويتها .. قطعي مجموعة خضار السلطة كل واحد لحاله مثلا .. طماطم , خس أمريكي , جزر , خيار , خس , فلفل بارد , ذرة , فاصوليا حمراء , جبنة فيتا , حطي كل واحد من الأشياء هذي في صحن منفرد وجنبها سوي لك صوص للسلطات وفيه الصوص الجاهر , يعني ضيوفك يشكلون السلطات اللي يحبونها بأنفسهم

الأطباق الرئيسية : سوي مثلا صينية لازانيا , شعيرية صينية , كفتة بطاطس , صينية رز , صينية دجاج مشوي , فيتوتشيني .. او اللي تقدرين عليه وحطيه .. وإذا ضيوفك رجال أنصحك تسوين اشياء شعبية ع جنب , جريش , مرقوق , كبسة .. لأنهم مايعترفون إلا بهذي الأشياء

التحلية: سوي لك صينيتين حلى او اطلبي من مطعم كويس أريح لك وحطيها ع جنب

وزعي الصحون عند كل طاولة , ورتبي مفرش الأكل والكآسات

وموفقة

أتمنى اكون ساعدتك
ادعي لي بليز يهون ربي علي ويسهل حملي وولادتي

عزيزتي اول شيء ينحط في البوفيه السلطه وهي السلطه العاديه بعدين التبوله بعدين سلطة الفتوش لو حبيتي

بعدين المقبلات ورق عنب والكبه والسمبوسه واذا حبيتي سبرنق رول وبعدين الصحون الرئيسيه طبعا على مزاجك ممكن جريش

اوهريس برياني ومصقعه ويكون معاها الخبز مشاوي ادامات ممكن رز ودجاج اوربيان ممكن مرقوق وبعد الرئيسيه الفاكهه وبعدين

الببسي والسفن والماء وبعدين الصحون والملاعق والشوك والمناديل وسلامتك

***** الله يكون ردي وافي ويعجبك ............اختك الماهرات