بليز ساعدوني محرومة من النوم صار لي ثلاث ايام

كيفكم يابنات ارجوكم الي تقدر تساعدني زوجي زعلان من ثلاث ايام ونايم عند بيت اهلة ولا يجي هنا البيت ولايرد على مكالماتي ولاشي
ومرة وحشني ونفسي اشوفة واسمع صوته اناعارفة اني انا الي غلطانة لاني مديت ايدي عليه وقعدت اصارخ بوجهه نفسيتي مرة تعبانة انا مادري ليش اتصرف معاه بهالاسلوب احس ان في داخلة صار يكرهني والحين كبرت السالفة كثير وخبر اهلة واهلي بعد عرفو بالموضوع واخوي كلمة وبنات خواته ولافي فايدة مصر على انه مايبغى يشوفني ابدا مع ان احنا ماصار لنا شهرين من زواجنا المشكلة اني عصبية وهو عصبي واحاول اهدي الموضوع بس افش وارجع اصارخ مرة ثانية على اتفه الاسباب زوجي من النوع الهادئ والي مايتكلم ولايعبر وانا بالعكس صريح جدا مادري يمكن صراحتي ماتعجبه اختي تقولي ان الحياة الزوجية فيها مجاملات بس انا صعب عندي اجامل ولاادري احس ان احنا الاثنين مانحترم بعض وكذا مرة يرفع يدة علي ويضربني ونشتم بعض بس احس دايما ان انا السبب لاني اصارخ وهو يبغى يسكتني فيمد ايدة علي ؟؟؟
ساعدوني بليييز يابنات والله عجزت مادري ايش اسوي عشان يرد علي ويرجع لبيته لاني خلاص مو قادرة اتحمل اكثر فكرة انه مايبغى يشوفني رسلت له مسج اعتذار وحب وتعال ارجع وماحكرر الغلط وحتغير ولارد علي ولا اهتم ابد ..
ابغى حل لعلاقتنا وان احنا نكون متفاهمين وكيف اقدر اراضية لانه انسان عنيد والي في راسه لازم يسويه ومستحيل ان يعترف انه غلطان او يعتذر وعلى فكرة هو شوي مايحتك بالناس وكان جدا من النوع الخجول ولا عنده اصحاب عكسي تماما انا انسانه جدا اجتماعية لدرجة ان احس احيانا احس انه يغار ان عندي صاحبات ويبغى يبعدني عنهم ومادري اذا هو عنده مشكلة في الاسلوب وعدم تكوين العلاقات وهو اخر العنقود وكانو مرة يدلعوه عشان كذا احس ان ماعنده مسؤلية لحاجة ويغى كل شي جاهز وهذا اهم مشاكلنا اني ماحترمة ودايما اصغرة واحاول اغير من شخصيته دايما وهنا المشكلة اني ابغاه كمان يتغير بس ماعرف كيف ...