بليز ساعدوني !! يارب تحقق اماني كل ممن يرد

السلام وعليكم ورحمة الله وبركاته .... كيفكم؟!                                بصراحةة موعارفه من وين ابتدي ... لكن بحاول اختصر... بيتي وسخ  ومره مومرتب الملابس متكومه لاني كل ماغسلت مااعرف كيف انشفهم نشافتي خربت وصرت اتكيسل اقول بكره ابونا بيصلح ولاصلح لين ماتكومت علي الملابس المشكله اذا غسلتهم وين انشفهم والله احس مرض وانا بيتي شقه ومااقدر افتح الدرايش كثير حدي ربع ساعه بس اهوي المكان ليش انه كله حواليني جيران وعمال يبنون ...وان جيت للمطبخ الله وكيلكم المواعين  مكومه لاني ماصرت اغسلهم بنفس اليوم اخليهم لليوم الثاني...والاثاث مغبر والارض كله شعر الادراج معفسه فيها الاغراض والحمام انظفه ويرجع يتوسخ ..مع اني توني متزوجه يعني ماصار لي غير سنه ...😭😭😭جدا جدا محبطه ونفسيتي تعبانه ... الحين اهل زوجي بياخذون عني فكره خصوصا انهم ساكنين معاي واهلي بعدد....لاتقولون لي خلي احد منهم يساعدك حاولت امي عندها اخواني وماعندها خدامه يالله تلحق ع طبخ وغدا وتنظيف وتعليم اخواني... وماعندي خوات كبار يساعدوني...وخدامهه زوجي ماهو راضي.... والله اني نظيفه بس لانه ولدي  مومخليني اسوي شي صيااااح .حتى شكلي ماعدت اهتم فيه..عطوني حل يااصحاب الخبره ؟! ابي تشجيع منكم وجدول اوطريقه ارجع بيتي زي ماكان ؟!😢والله احس موطايقه شي.....الله يسعدكم ويوفقكم