بليز لكل مجربات الطلق الصناعي ارجوا الدخول 💔

السلام عليكم ورحمة الله ..
صباحكم ومسائكم خير صبايا ..

انا من المتابعات لهذا القسم واستفدت منه جداً ربي يجازيكم بالجنه ، طبعاً مانزلت هذا الموضوع الا بعد ماشفت ردودكم وتفاعلكم ع المواضيع فبإذن الله احصل تفاعل منكم ع موضوعي ..

انا بكريه والحين في الاسبوع ٣٧ ، طبعا جاني سكر الحمل من الشهر الثامن وكان متذبذب مره يرتفع مره يكون طبيعي وما زلت ماشيه على حميه ، المستشفى اللي اراجع فيه قالوا بتعطيك مهله الى الاسبوع الجاي يعني الى نهاية الاسبوع ٣٨ اذا ماولدت رح يولدوني بطلق صناعي ، السبب يقولون ان اللي عندها سكر حمل ماينتظرونها لين تنتهي التاسع لازم تولد في نص التاسع لانه ممكن يكون فيه خطر على البيبي ، حاليا احاول اسوي كل شي ممكن يساعد انه يجيني طلق طبيعي من مشي ودرج وقرفصاء وخلطة قمم التميز ومازلت صامده احاول اتجنب الصناعي بأي طريقه .،
السؤال من منكم جربت الطلق الصناعي وهل هو بالفعل اقوى من الطبيعي لاني جد جد خايفه منه ، خصوصا اني بكريه يعني اكيد رح اطول في الطلق لين يفتح الرحم ورح يعذبوني بالطلق الصناعي ، طلبتكم انصحوني ودلوني وعطوني تجاربكم ..
الله يجزاكم كل خير يارب ..