كيف الحال بدخل بموضوعي على طول
انا حاليا ابي ابدأ اسوي غرفة بنتي وودي انا اللي اسويها لها
اول شيء بقول الفكره والالوان وساعدوني
ابي احط لون الجدار وردي والربع الأخير بيكون مثل الموج وابيه مقلم بلونين احترت بين الابيض مع الوردي
او اصفر وتفاحي نفس الصوره الفكره اللي ابيها
وشريت لها لمبات من ايكيا على شكل ورده والسلك اللي نازل منها لونه اخظر وفكرت احطها وحده يمين سريرها ووحده يساره الورده عالجدار الوردي والسلك نازل على المقلم تطلع مثل الحديقه
وكمان عندهم لمبات على شكل سحابه زرقاء باخذ ثنتين فوق السرير مره وبينهم شمس اصفر
وش رايكم تطلع حلوه
وفكرت احط لها فرش موكيت لانها تجلس تلعب بالارض بالعابها وتتعبني بالشبشب اكرمكم اللهخ ماتخليه برجلها
واخاف السيراميك مع المكيف يمرضها وبحط فرش الموكيت لون ساده
ليموني او تفاحي او سكري
وبرمي عليه اشكال من الفرشات الصغيره الخاصه بغرف الاطفال
واللي ابيه بعد تساعدوني بخطوات البويه
لاني ابي ارسم التمويج والتقليم بس مااعرف كيف ابدأ ولا ايش استخدم بالرسم بحيث العامل يمشي على تخطيطي
بليز ساعدوني
ولكم دعوه بظهر الغيب
فيه موضوع لي (ساعدوني بالالوان)وفيه صورة لبوية الغرفة وردي فوق وتحت تفاحي وزين ماسويتي انك ترسمين ويجي العامل يرسم فوق رسمك لان تشوفين التمويج حوسة شوي
وانا اقترح عليك ماتحددين اللون الا اذا اخترتي الغرفة لاني بصراحة ابتلشت بالغرف 00لاني احس اذا كان الجدار ملون والغرفة ملونه بيطلع حوسة والا انت وش رايك؟
اما الموكيت ما انصحك يكون فاتح بيتوسخ بسرعة يمكن يكون التفاحي انسب00
والله يوفقك