بليز يابنات دبي ساعدوني

عزيزتي انا من الخبر بس ممكن افيدك بمعلومات متواضعة من خلال روحتي لدبي رحت لسوق نايف بصراحة هو شعبي مره بس فيه حاجات حلوه خاصة إذا بتشترين هدايا واسعاره مره حلوه بس الله يعينك على الحر والكتمه فيه
هو لما تدخلينة بتنصدمين لكن لما تدورين بين القطع بتطلعين بحاجات حلوه

بنصحك إذا بتشترين وقالولك الهنود سعر لا توافقين يعني إذا قالك ب50 قولي لا ب25 وعلى طول بيوافق وحتى لو اقل بيوافق

والله مره جيت اشتري بلوزه و حده وقالي الهندي ب50 بعدين قلتله باخذ ثلاثة ب50 في البدايه رفض ويوم رحت وتركته رجع يلحقني وعطاني الثلاثة ب50 تخيلي من وحده لثلاث

هذا السوق الشعبي الوحيد إلي رحته بدبي وفيه مجمع تجاري شبة شعبي إسمه منال فيه حاجات رخيصة مره

مشكوره أختي جزاك الله خير..
وياريت الباقين يساعدوني

مرحبا فيج اختي في دبي والامارات
اولا للجلابيات في سوق عكاظ وفي في نايف وفي في الشارقه في السوق القديم او يسمونه سوق البحر
بالنسبه لقطع السهرات عندج مركز الغرير وعندج مركز البستان وعندج سوق اسمها مينا بازار هو في البر الثاني احنا انسميه بر دبي
وبالنسبه للعبايه عندج مركز بوهيل وعندج في ابراج الامارات محل اسمه ماي فير ليدي بس غالي اذا بغيتي اسعار معقوله روحي لبهيل وفي مركز البستان في محل غواني بصراحه عباياتهم وشيلهم حلوه وما تخترب
وهذه تقريبا الاسواق اللي انتي كاتبه تبينهم واي شي ثاني تبين قولي برد عليج:26:

مرحبا اختي..
بغيت افيدج بخصوص الجلابيات مثل ما قالت الاخت سوق عكاظ وبعد في محل اسمه راجوه او راجوه بلازا محل كبير جنب مركز حمر عين عنده الجلابيات الغاليه والرخيصه وبعد محل اسمه كشخه بلازا عنده جلابيات حلوه وفي قسم يبيع الاربع جلابيات ب100 درهم مكانه جنب سوق ابو هيل في ديره على فكره بالنسبه لمينا بزار فالجلابيات الي عندهم ستايل هندي بس حلوين
وحياج الله في دبي..

تذكرت اختي اذا رحت سوق نايف روحي سوق الوصل جنبه عندهم جلابيات وعبايات بأسعار رخيصه وعلى الاقل مكيف تتبردين شوي من الحر:42: