بليز ياخبيرات المكائن

شوووفي يااعسل محدثتكي يعني انا لاتفقه شي في سوالك عشان كذا هي مقرررررررره تدور معهد يعلمها خيااطه وبعدين افكر اشتري مكينه ياليت بعد ماتشتري تقولي رايك بالمكينه وانتي من اي مدينه؟؟؟؟

والله أنا عن نفسي مااأعرف الأنواع اللي أتكلمتي عنها لكن أنا في الكليه وكل المكاين كويسه أهم شئ
تنظيفها تخزينها كويس استخدامها مزبووووووووط تجلس معاك
أنا عندي جوكي والبنات عندهم سنجر وجاسمين وكل الانواع الاقيها في وهي كلها أسعارها في حدود 750 -800 يمكن اغلى وحده بالف وكلها تمام جانومي <<ماركة اول مرة اسمعبها والله مدري عنها
وتبع سنجر أنا اللي في حدود 2000 مااعرف عنها

لكن اذا انتي بس خياطة وتطريز خفيف وممكن توفري وتاخدي اللي في حدود 1000
لكن اذا تبي غرز وعندك حب في التطريز ممكن تاخدي سنجر
كل المكاين مزبووووووووطه وتجلس لكن زي ماقلت على حسب الاستخدام

وفي ملاحظه تانيه في المكاين دام أقولك كلها كويسه :
*شوفي أدراجها بعضها تجي معاها مقسمات للمكوك كيف تقلها كيف تركيب الخيط شوفيه سهل وكمان غطاها لان اللي عندي أكره اغطيها بغطاهالازم اشيلها وكدا لكن في بعضها الغطاء بس تدخليه من فوق تريح اكتر
دي اللي تفرق بين المكاين وممكن منها تحددي اللي تبغيه

وكمان شئ مهم على قطع الغيار اذا تكون موجوده أو انها بطلبيه وتكون غاليه كمان دي تتعب في المشورة ودوري هنا وتلاقي هنا وكلام فاضي وهي قطع الغيار أهم شئ


وقبل ماتخرجي من عنده خدي منه كم مكوك وخلي يحددلك أي شكل عشان لاتدخلي مكوك مقاس تاني وتعلق عليك ومقاس الابرة أعرفيه مرررة أشتريت من مهجه ابر وعلى بالي كلها وحده والمكينه ماتخيط مزبوط طلع انا ماخده مقاس اكبر
ويعلمك تركيب الخيط لان لو مافي احد يعلمك راح تحوسي وتركيب المكوك مزبوط وتعبيته عشان لاتقعدي رايحه جايه
دا بالنسبه للمكينه

والله يوفقك للي تختاريه ويباركلك فيها

وفي شئ كمان
طوووووووووولت بزياده >>خخخخخخخخخ
لكن قولت افيدك مو زي لما رحت اشتري ماانتبهت لاشياء زي الغطاء مثلا
اذا علقت عليك ولا خربت روحي لاقرب خياط يعرف يصلحها احسن من المحلات ترى واذا خياط قريب منك وتعرفوه ياسلام يخفف عنك





يارب أكون أفدتك وفهمتي مني كل شئ واذا اشتريتي بشريني

ريم الله يعطيك العافيه على ردك

روقي بصراحه ماقصرتي أنا فكرت في سنجر لانه زوجي يقول متعاد راح بتخطيط غيرها
وكمان قطع غيارها متوفره الحمد لله لكن المكائن الثانيه يقول اذا احتجت نقدر توفرلك لكن على حسب القطعه

وجوكي كمان في لها وكيل وفي قطع لكن مادخلت بس زوجي دخل شاف يقول تحسي ان سنجر سعرها فيها

وان شاء الله اذا أخذت أبلغكم وانزل صورها

ادعولي زوجي يرضى يوديني

ريم أنا من جده وباخذها من الصبان اللي في باب شريف 

انا ماكينتي سنجر..مرتاحة كثير فيها..ولا تخرب بسهولة..
غير كذا..قطع غيارها متوفر بكل مكان...اعطالها قليلة..طبعا حسب الاستخدام والمحافظة عليها..

وفي منها انواع: البسيطة خياطة عادية..سعرها مابين 400 الى 500ريال

وفيه خياطة وتطريز ..يكون معها اقراص التطريز..ومكوك واحد سهل التركيب وقطع ثانية مثل دواس الازرار والسحاب وو اشياء ثانية..ويجي معها كتالوج شرح عربي..وهذي ماكينتي..سعرها كان اول 850 ريال بس الان مدري عن السعر..

ماشاء الله عندي من عشر سنوات..ولا احلى منها..بس لازم تنظيف وتزييت..كل فترة..

وفيه كمان نوع متطور بكذا نوع ..

نصيحتي لك: لا تشتري البسيطة ولا المتطورة الا اذا كنتي دارسة الخياطة..وتأكدي من الموزع والوكيل والضمان..

والله يوفقك..

بلغينا اذا اشتريتي...