ما ادري اذا الموضوع مكانه هنا او بالمقبلات
بس اذا كان مكانه غلط ياليت المشرفات ينقلونه
اخباركم ياحوائيات
يااالله من زمااان مانزلت موضوع نسيت المقدمات والله :35:
المهم جبت لكم معاايه بليله انما ايه
تنسيكم بليلة الكورنيش من حلاتها
وسهله جدا .. وطبعا ماننسى انها انظف بكثيير ..
نجي عالمقادير ..
3 علب حمص << انا استخدمت ماركه فرشيلي
4 او 5 حبات خيار < وممكن تزيدي اذا حابه
عصير ليمونتين وفنجان زيت زيتون
كمون + خل + شطه قوارير +ملح + لون الطعام الاحمر ..
ثلاث ارباع الكاس مويه
نجي للطريقه ..
اول شي الخيار .. هالطريقه عشان يصير زي المخلل...
تاخذي الخيار وتقطعيه مربعات وتحطيه بقدر مع زيت الزيتون وعصير الليمون
وتقلبيهم مع بعض شوي ..راح يبدا يتغير لون الخيار وقتها اضيفي بيالة خل ابيض ورشة ملح
ووثلاث ارباع الكاس مويه مذوبه فيه ملعقه صغيره من اللون الاحمر
وتقلبيهم مع بعض الين تقل المويه شوي بس مو شرط ينشف
نجي للبليــــله
نغسلها بمصفى عشان تروح المواد الحافظه
ونحطها بقدر مناسب .. ونمليه بمويه بس يادوب المويه تكون مرتفعه شوي بس عن البليله
زي الصوره
وتولعي النار خليها متوسطه
ولما تبدا تغلي
خذي ملعقة الغرف وعبيها للنص شطه ..وكمان عبيها بنفس الكميه خل ابيض
انا صورت الشطه بس ..
وبعدين اضيفي الخيار بالمويه اللي فيه
قلبيهم مع بعض
ارجعي اضيفي شوي ملح لاننا ما محلنا البليله
ممكن تحطي رشة بابريكا + رشه فلفل احمر مطحون << مره تصير لذيذه
ولاتنسي بالاخير ملعقه او ملعقتين كمون مطحون << ضروري البليله ماتحلا بدونه
في ناس تحب تحط بالاخير خيار مبشور او جزر عاد انتي وراحتك انا ماحطيته وممكن كمان تتزين
بالسماق
وهذي الزبديه الاولى
لاتفوتكم جدا لذيــــــذه
وترى المقادير ممكن تزيدي او تنقصي اللي مو عاجبك او مو حابته .
ممكن تستخدمي البليله اللي بالكيلو تكون حبتها كبيره بس يبلها نقع من الليل
وكمان ممكن تاخذي الخيار المخلل الجاهز وتحطيه وممكن تضيفي اللون عليها .
وبس هذي ملاحظاتي :35:
دعواتكم اللي عودتوني عليها
ان الله يحفظ لي اهلي ويطول بعمرهم يارب
طباخة بيتنا
ومقدمت موضوعك حلوه تذكرني بايام المدرسه كانو يبيعون البليله ويشغلون الانشوده
تم حفظها ومشكوره على الطريقه