بلييز ابغى النصيحه منكم ضروري

السلام عليكم
انا في حيره من امري و مو عارفه ايش اسوي.
اولا احب اقولكم اني انا ما بيجيني عرسان يمكن لاني تخيفه يعني وزني حوالي 83 كيلو و كل فتره انحف و اتخن و كدا حياتي و عمري 26 سنه يعني مو صغيره .
المهم انه انا جاني عريس قبل حوالي سنه. جا و خطبني من اهلي و هوه مواصفاته العامه جيده بس انا ما كنت مرتاحه له خصوصا انه يقعد يفهمني انه هوه مات عليييا و معجب فيا لدرجه مو طبيعيه بس انا احسه كذاب. يعني عمره ما كلمني ولا عمره شافنني ليش حيحبني الحب هدا كله؟
المهم صارت قصه و اكتشفت انه مكذب عليا بكذبه . يعني هيا مو مره كذبه فظيعه بس يعني انه مو سهله و انه له طول الفتره هدي مخبي عليا و على اهلي شيئ كان المفروض نعرفه . و كنت قبلها مصليه استخاره كذا مره و صار هدا الموضوع و اكتشفت الكذبه و قلت يمكن هدا نتيجة الاستخاره و تركته و قلتله مافي نصيب بيننا .
المهم بعد كذا شهر كلمنا و قال انه يعتذر و ياريت انه اسامحه و انه نرجع نخطب . انا صراحه بالاول رفضت رفضا فظيعا بس لمن اشوف كيف اهلي يقنعوني و انه احس بنظرات الناس كلها انه يعني لا تشوفي نفسك مره لانه اصلا مافي غيره اتضايق و ما ادري ايش اسوي . المهم وافقت و رجعنا لبعض
بس المشكله دحين اني احسن بندم فظيع و قاعده اصلي استخاره يعني للحين صليت 3 مرات . ماني قادره اطيق هدا الشاب مع انه مافي شي يعيب بس كدا احسه غير مريح نفسيا بس بنفس الوقت خايفه اتركه و اعنس . خصوصا انه الكل بيشجعني و كدا . بس نفسيتي ابدا مو مرتاحه. ايش اسوي؟
خصوصا انه ما عندي سبب اني اقول لا كمان مره دحين
اتزوجه عشان ما اعنس ولا ايش اسوي؟