اهلين حبيباتي .....
انا سويت بحث مطلوب مني وهذي والله من اقوال رجاجيل من اقاربنا وخليتهم بعد يسئلو اصحابهم وكانت هذي نتائج بحثي وصراحه والله والله والله انها حقيقه واقتنعت بالنتائج
ماراح اطول عليكم ببدا في البحث بس انا طبعا سلمتهـ وماراح اكتبه لكم بطريقه علميه بكتبه كئننا ندردش وابي منكم لما تعلقو على المضوع يكون شكل التعليق اتفق او لا اتفق وتكتبي السالفه إلي خلتك تقتنعي برئيك
نبدا...
اول شي من خلال البحث اكتشفت ان الزوجه التي يحبها زوجها هي الزوجه إلي لها ما يميزها يعني يا قلبي
من خلال اقوالهم في واحد قال زوجتي تحب التصميم بلفوتو شوب فيقول لعمي :زوجتي مدري كيف تعرف للفوتو شوب مع اني اشتريت لها لاب توب ونا ضامن انها ماراح تعرف له ويومين وبترميه بس والله دايم اشوف صور في جهازها ما اصدق انها هي مسويتها وترسل لي مقاطع تصممها مدري من إلي معلمها عليه
طيب هنا يا قلبي وش تفهمي من كلام هاذا الزوج؟؟؟
1_الرجال هنا معجب بزوجته
2_تكونت في باله فكره جديده انو بعد ما كان شايفها ما تعرف وانو اذكا منها وجاب الاب توب يسكتها لااا تغيرت الفكره تماما سار بدالها زوجه تتعلم مميزه عندها هوايه اثارت اعجاب زوجها
3_بعد كذا مافي كلمة زوجتي ما تعرف زوجتي وش عرفها لااا الحين تغيرت النضره و السبب(هوايه)
طيب نجي لسالفه ثانيه هنا واحد يقول لاخواته: زوجتي ما تشتري مثلكم انتو تهتمو في انفسكم انتو تختارو وتفرو في المحلات هي اقرب محل عند الباب ونمشي وملابسها شكل واحد (رغم انهم لو تلاحضين بس ندخل السوق يتنرفز وبسرعه ومدري ايش والحين يقول لاخواته كذا معناه حتى لو قال لك انا ما احب كذا واحب كذا يا قلبي انت مو بلكيف انتي امشي على إلي يعجبك لا تصدقي اذا قالو احنا نحب الحرمه إلي تمشي وما تقول لا ابدا انا اقول لا تقولي لا بس ابدي رئيك خلي لك شخصيه مميزه خلي زوجك يقول زوجتي كذا تقول زوجتي كذا تحب زوجتي كذا تبي مو يقول لا غصب وبتوافق لمجرد انك تقولي اليوم رئيك وما يسمع كلامك لا تزعلي بكرا بعد كرري نفس العمليه وبعده وبعده والله بعدين خلاص اصلا نفس العقل الباطن يسير يرسل اشارات بشكل عفوي انو يتبعد الافكار إلي انتي ما تحبيها ويبدا بدون تعمد ينفذ كلامك ويمشي على شورك
نجي لـ السالفه إلي بعدها
حسسي زوجك انك تحبي نفسك خليه يشوفك ونتي تدلعي وكئنو مو قصد منك يعني مثلا يشوفك ونتي تحطي كريم على جسمك بدلع ويشوفك ما تغسلي المواعين إلا بقفازات لانك تخافي على بشرتك وحبي نفسك لا تكرفي فوق طاقتك والله كل ما احترمتي نفسك ودورتي راحتك رح يحترمك ويدور راحتك طبعا كل هاذي التصرفات تسويها بعنايه وبدون انك تحسسيه انك تتصرفي بتعمد وفي قصه تدعم كلامي وهاذا صاحب ابوي يقول(والله عندي زوجه تموت في نفسها ما اشم إلا ريحت العطورات ومو اي شمبو تبيه اهمي شي يناسبها وممشيه البيت على مزاجها وبس تتفنن في ملابس العيال مافيها من البساطه شي وهاذي زوجته انا اعرفها والله كان زوجها حالته حاله وما يهتم في نفسه وكان عزوبي وعايش لوحده وبعد ما تزوجها تقول سار من كثر ما يشوفها تتكشخ وتتمرخ بذا الكريمات غار منها سار يقول لها عطيني تروش بهـ الشامبوهات حقتك ويحاول يكون مرتب عشان لا تضحك عليه ليين تغير وسار يقول لها اختاري لي ترينقات ويتكشخ وياخذ رايها ويبي يحوز على اعجابها لانها تقول كنت اقول له :اقول ترا انا وعيالي بس نكشخ إلا انت ما كئنك مننا اهتم في نفسك شوي مو بس انا إلي البس لك انت بعد إلبس لي وغيرتك ما شا الله.
ولا تقولو ازواجنا ما يفكرو فينا والله يفكرو فيكم مثل ما تفكرو فيهم ويحاولو يرضوكم بس مشكلتهم مافي اسلوووب ابداااا
خلاص حبايبي ما ابغا اطول اذا اعجبكم الموضوع قولو لي اكمل ترا في نقاط كثيره بس خفت اكون اقرقت عليكم[/SIZ
7Lm 3aBr 360 @7lm_3abr_360
عضوة جديدة
يلزم عليك تسجيل الدخول أولًا لكتابة تعليق.
*جروووح انسااانه *
•
حلوووووووو كملي
والله موضوعك رائع ياليت تكملين وتتحفينا
صراحة لو اعرفك كان طلبت نسخة من بحثك لان شكله مفيد جدا
واحلى شي انه خلاصة تجارب واقعية موكلام وفلسفة على الفاضي
اشكرك ولاتنسين كملي
صراحة لو اعرفك كان طلبت نسخة من بحثك لان شكله مفيد جدا
واحلى شي انه خلاصة تجارب واقعية موكلام وفلسفة على الفاضي
اشكرك ولاتنسين كملي
الصفحة الأخيرة