الله يهون عليك انا اولد عيالي في قوى الامن صراحه ممتاز اذا كانت حالتك عاديه
تولدك القابله واذا كان عندك اي مشاكل تولدك الدكتوره انا في بنتي ولدتني القابله
حبوبه وفي ولدي عشان الظغط عندي يرتفع ولدتني دكتورتين وخياطتهم بعد زينه
انا بعد الولاده رحت اكشف في مستشفى اهلي عشان الخياطه وقالت ممتازه
واهم شئ نظيفين صراحه وكل شئ يوفرونه لك وللبيبي الله يسهل عليك

انا بعد بكريه وفي السادس وبأولد عندهم ان شاءالله
وفرحت لما قريت موضوعك
ياليت البنات يفيدونا

ولدت عندهم وولدتني القابلة وهو جدا ممتاز
وخياطهم مرة حلوه

هون الله عليكم وسهل ولادتكم

أنا والده في مستشفى قوى الامن في تاريخ 16- 11 0 1431هـ يعني من كم شهر

بصراحه ماعليهم نظيفين لأبعد درجه . وطبعا كانوا مدخلين زوجي مع انه ماودي بس نشب لهم ودخلوه مايخلونه طول الوقت لا بس يدخلونه على فترات ويطلعونه .. الممرضات حليوات .. بس اصحي تصارخين وتسوين افلام .. لأنهم يتوترون ويمكن تنفخ عليك وحده وتتضايقين فـ تحملي واستغفري وقت الطلق وادعي بماتشتهي نفسك ... كان عندي في الغرفه ممرضتين .. بالنسبه لي ولدتني دكتوره .. لأن ولادتي تعسرت عند خروج الراس وجوني 3 دكتورات وحده بريطانيه ووحده سوريه اسمها سهام واللي ولدتني الدكتوره سحر عبدالغني الله يجزاها خير ويفرج لها ... بالنسبه لخياطتهم أنا بكريه وخيطوني داخلي وخارجي ورحت شيكت عليها بعد 10 ايام عند مستوصف وقالت الخياطه ممتاااازه .. بس انا خاطتني الدكتوره سهام يعني مو قابله .....

انتم وكلوا امركم لرب العالمين ودايم ادعوا ربي ان ولادتكم تكون سهله مو عسره والله يفرح نظراتكم بشوفة اطفالكم ..

أنا ولدت عندهم من سنتين طبعا القابلة تولدك وتخيطك وكل شي الدكتورة ماشفتها الا ثواني لما بيطلع البيبي طلت وراحت الخياطة كانت داخلي وخارجي ولما جت تخيط ازعجتها وزودتلي البنج بالكمام وتخدرت تخدير كامل وماصحيت الا لما خلصت طبعا تعاملهم مرة كويس سواء في غرفة الكشف اول ماتوصلي او في غرفة الولادة وبعدين لما يودوكي غرفتك ماعدا وحده فلبينية كانت تنافخ بس على خفيف مو مرة والباقين عسل وبالنسبة للطفل يخلوه عندك طول اليوم ماعدا وقت الزيارة ممنوع يروح الحضانة
ووقت الولادة يسألوكي اذا تبغي مسكن او ابرة ظهر أما الكمام بدون ماتطلبي
طبعا أنا جيتهم الساعة 4 الفجر ماكان في أحد وكنت في كشك الولادة لوحدي مع انه في سرير ثاني جنبي بس مشكلتهم اذا كان معاكي احد حتى لو امك يطلعوها برة وقت الكشف ووقت الولادة بس الزوج اللي يجلس عندك مسكينة امي تبهدلت ذاك اليوم كل شوي تطلع وترجع ووقت ماولدت طلعوها وصارت ترسل ممرضات يتطمنوا اذا ولدت ولا باقي
يعني عموما المستشفى كويس وتعاملهم حلو الشي الوحيد اللي ماعجبني انه ماصرفولي غسول مطهر ومرهم للخياطة حتى لما قلتلها قالت مايحتاج بس كتبتلي حبوب منع حمل للرضاعة بدون مااطلب واعطتني مضاد وشراب عشان الأمساك
وبالنسبة للأغراض اللي تحتاجيها بس غيارات خروج لكي وللبيبي ولا هم يوفروا كل شي فوط صحية وحفايظ الطفل ومسحات طبية وتجيب لك شاش وموية اذا حبيتي تغيري للطفل وملابس للبيبي انا كنت لما ياخذوا بنتي الحضانة الفها ببطانية من عندي ولما ترجع يكونو شايلينها وحاطين بطانية من عندهم يعني مايحتاج تكثري غيارات بس ملابسك الداخلية ولبس الخروج
وبعد مارحت غرفتي ماكان وقت وجبة جابولي كاسة حليب حار
هذي تجربتي بالتفصيييييييييييل والله يسهل عليكي وعلي يارب