بليييز ساعدوني يابنات الكويت

هلا أختي الكريمه
عندك المجمعات الموجوده بالسالميه روعه وبعد عندك المجمعات الموجوده بالفحيحيل وسوق شرق وكويت ماجيك والعنود والبازارات وعندك بيت أولادنا فيه من الصغير للكبير وملابس نسائيه حلوه فيه بالمباركيه والفحيحيل وفيه عمارة المباركيه حلوه تحصلين فيها والأسواق فيه الماركات وغيرها فيه الرخيص والغالي وتلاقين والله التمشيه فيها توسع الصدر
هذا بالنسبه للمعلومات إللي عندي
وإن شاء الله بنات الكويت بيفيدونك أكثر مني
وتروحين وترجيعين بالسلامه
:
دمتي بخير

انا سعوديه وعايشه بالكويت واقولك بكل صراحه ترا المحلات هي نفسها مافي شي جديد اللهم الدراريع شي جنان هنا بالكويت لانها شيك وتنفع استقبال بالبيت لكن البدل والبلايز وغيرها لا كلها موجوده بالرياض لان المحلات تقريبا هي نفسها ..

اكيد قصدج البنات اللي يصممون هذيلي انتي وحظك على موعد جيتك مرات يكون فيه معارض لهم ومرات لا على حسب اذا تبين روحي حق انسام كولكشن هاذي اللي تصمم لبس الممثلات في عديل الروح عندها ملابس ودراريع اما محل الماركات العالميه اسمه فيلا مودا في المنطقه الحره تجمع الماركات العالميه وعندج مجمع زهره بالسالميه اغلبه بدل ماركه ومجمع الرايه والصالحيه بعد على فكره الصالحيه والرايه بعد اوتيلات يعني اذا سكنتي في واحد منها اتوفرين على روحج التعب انشاء الله

شكرا لكل اللي رد علي وبالنسبه للالماسات وش احلى شي عندكم

قصدج محلات المجوهرات يعني والا شنو اذا قصدج اهي فالمحلات متننوعه قوليلي شنو طلبج هل تبين مجوهرات ماركه او اطقم او ايش اذا تحبين اتنوعين وتبين ارخيص لا يفوتج المعرض الهندي اللي بالشويخ ورا بيت التمويل ترى اسعاره خيال وعنده اشياء حلوه وايد