أنا متصلة عليهم وعارفة الاجراءات زي ما قالت الأخت ما جنتا
هو المفروض تكشفين وجهك.. لكن يتغاضون..
لكن الصورة مطلوبة..
أنا خوفتني الصورة مدري ليش.. خاصة أنها بترسل هناك..

وما أدري إذا كانوا فتحوا فرع للسيدات اللي أعرفه مركز كان اسمه فيه مدري إيش ستار أو نجوم..
نسيت هالكلام من أربع سنين..

وانا اختبرت عليه تجريبي في النت والحمد لله بااس.. مع أن اللي نقصني هو بس الاستماع ما كان الصوت واضح..

هو سهل جداً لكن زي ما قالت ماجنتا للي يجيب ليفيل 6 وفوق في اختبارات كامبردج وغيرها..

الله يعين

عورتوا قلبي!!!!

ياختي ضروري كشف الوجه عشان يعرفوا أنك فعلا صاحبة الصورة مو وحدة ثانية تختبير بسم صاحبة الصورة ثم الإختبار عند نساء فقط ولا يوجد رجال

ذبحونا بذا الحركات اللي عندهم يمشونه علينا ليه ؟ الهوية تكفي ونص
بالنسبة لي استحالة ارضى
وكل يوم المرأة تنطلق وتشق طريقها وسرى الليل ليش؟
برضه الادارات والمسؤولين لهم دور
ليه مايراعون خصوصيتنا
وفموضوع قريب . واحدة من قريباتي تنازلت عن التمريض كله عشان الاختلاط . بعضهم ماعندهم مشكلة مثل "بعض" بنات جدة
بس ليه يجرون البقية وراهم يقدرون يسوون مستشفيات نسائية كاملة . ماهم يقولون المرأة تستطيع استلام اعلى المناصب
ولا بس كلام ؟ ليه تختلط مفروض تكون زي المدرسة اول ماتخش ترمي عبايتها وتاخذ راحتها كأنه بيتها
مفروض يقومون الناس المحافظين ويطالبون بزي كذا بدل هالعنوسة بين العاملات في المستشفيات
يقولون لازم نظرة المجتمع هي اللي تتغير وناسين انه بامكانهم يوفرون للمراة جو اريحي .شي يفقع القلب
الناس ماهم سوا من حيث الايمان والاطباع والعادات . فكل مكان فالدنيا فيه المحافظون وفيه اليمين وفيه الليبراليون
المجتمع يسع الكل . ماهو تختار البنت بين الزواج والتمريض .والرجال من حقه يبغى يرتاح نفسيا . حرام الللي قاعد يصير

اختي انا اختبرته في اكاديمية الفيصل قبل سنة وشوي وماطلب مني كشف الرأس بس الوجه عشان يصور الموظف صورتك بكاميرا الكمبيوتر وكان فيه واحدة ماشاءالله في قمة الستر وباين من شكلها انها ملتزمة بس لما طلب منها ترفع غطاها رفعته فوق وخلت حجابها وهي كلها ثواني يصورك ويتأكد من اوراقك وبعدين تدخلين الاختبار وما احد يطلب منك اثناء الاختبار لا كشف ولا فيه كاميرات ولا شي

انا ذكرت موقع الاختبار وما ادري صراحة عن المواقع الثانية في المملكة كيف اختبارهم وطريقتهم بس ما اعتقد حكاية كشف الراس هذي قوية وتعدي على حرية الشخص اذا كانواالسعوديات برا في امريكا واستراليا وبريطانيا يدرسون في جامعاتهم بالنقاااب يقومون يطلبون منا وحنا في بلدنا نتصور بدون حجاب ونطلع شعورنا ؟