بليييييييييز ساعدوني ولدي صدره فيه بلغم وانا بغربه بروحي

السلام عليكم

يسعدني اكون اول من يرد

ادهني صدره وظهره بزيت الزيتون ودفيه

وسمعت ناس يلفونه بجريدة مخربه وعلطول بنزل

موفقه

الله يشفيه ويعافيه ويخليك له ويخليه لك

ما يشووف شر

اعطيه رضعة يانسون وسوائل دافيه كل ربع سااعه تبعد البلغم

وان كاان يرضع طبيعي

حاولي تكثفي رضاعتك

لأن الرضااعه الطبيعه من افضل العلاجاات والأدويه

عطيه يانسون كل ليله و****لله يرتاح

الله يشفيه ان شاء الله يارب خذي طريقتي وراح تدعيلي اكيد باذن الله خذي ملعقه صغيره وحطي فيها زيت زيتون ورشة حبه سوداء مطحونه وعشر حبات رشاد وبس عطيه مره فاليوم وراح تشوفين البلغم ينزل مع البراز الله يكرمك و3 ايام وباذن الله راح يتشافى انا جربت هالدواء وفعلا نفع الحمدلله يارب بعد ماياست من العلاجات وهذا وصفتلي اياه وحده هنا فالمنتدى الله يجزاها خير وبشريني عنه حبيبتي اذا تعافى

الف لا باس مايشوف شر ...
هذا موضوع للاخت ريريتا حافظته عندي بجهازي .. بس للاسف ماعرفت اجيب الرابط ...
بنسخ لك موضوعها ..


هلا غالياتي وسلامة أولادكم وأطفال المسلمين

هذا موسم الكحة والزكام الله يبعدنا ويبعد عيالنا عنها


عزيزاتي
لاحظت كثير بنات في المنتدى يشتكو عيالهم من الكحة الجافة والكحة ببلغم وحساسية الصدر وإستمرار الكحة لأيام وليالي..وينتهي العلاج والكحه ماراحت...ولاأولادكم يناموا..ولاإنتوا تقدروا تناموا...صح ولا لأ؟؟؟
أنا حاسة بمعاناتكم لأني عايشتها في البيت..بس مع تجربتي هذي راح تودعوا العلاجات الطويلة وراح ترتاحوا وتريحوا أولادكم..ولاتنسوا تدعولي أهم شي...
وهذي الطريقة أنا مجربتها من زماااان وكل مره تثبت لي فعاليتها ونتايجها الراااائعه...
والله إن بنتي كانت طول الليل تكحكح لين أحس جنوبها راح تتفزر من قوة الكحة ياقلبي عليها...وكان لها صوت وهي نايمة والصوت طالع من حلقها ومن خشمها..صوت خرخرة على شخير...وأحس إنو صدرها من جوه تعبان..لكن من بعد مارجعت لطريقتي والله إني إرتحت وإرتاحت ومن أول يوم في الإستخدام خفت الكحة وخفت الخرخرة ...
فحبيت أفيدكم بتجربتي..
بالنسبة لزيت سمسم صحي ومفيد للعظام وللصدر..فحتى لو أولادكم إتشافوا..لاتقطعوه عنهم....تراه جدا جدا ممتااااااااز...

بس أهم شي يكون جديد من المعصرة

و أنا بقولك على طريقة تريحك من الكحة بإذن الله
وأبغ كل من تستخدمها تدعيلي لأنها طريقة ممتاااااازة وناااااااجحه جدا....وملموسة نتائجها من أول ليلة..وحتشوفوا..


شوفي حبيبتي

أولا لازم تكوني في غرفة دافية أفضل عشان الطفل مايتعرض لهواء...


تحتاجي..:


قطعة قماش قطن ((أو شماغ أو غترة قديمة لزوجك يكون أحسن))
شراب متين

أول شي بالنسبة للدهان..
تحطي شوي زيت سمسم وشوي زيت زيتون وتحطي فيهم 10 حبات تقريبا حبة سوداء بس لاتكثري..
وحطيهم على النار لثواني((أصلا ماتحتاجي غير ثواااني))لأنك على طول راح تسمعي صوت الحبة السوداء تطقطق في الزيت...معناها الزيت صار حار..

تكوني مطبقة الغترة أو القطعه القطن بشكل مستطيل بحيث تنلف على الخصر وتزيد شوي((عشان تضمني إنها ماتنفك خلال نومه..)) وأنا بالنسبة لي أحطها على الدفاية الزيت إذا تعرفوها عشان تكون دافية..وإذا ماعندك دفاية زيت خلاص مو مشكلة بس أهم شي لاتكون باردة القطعه..

خذي الزيت وروحي الغرفة تكوني كاشفة ظهر طفلك وبطنه..((إنتبهي من الزيت الحار)) يعني أدهنيه على جسمه بس يكون دافي شويتين مو يبرد إنتبهي...
إدهنيه تمام ظهره وصدره وحتى رقبته تمااااام...
وبعدين شيلي القطعه من على الدفاية وإفرديها وحطي طفلك عليها ولفيها عليه..((كأنها حزام عريض يغلف الصدر والظهر والبطن)) أتمنى تكونو فهمتوا عليا...

ولبسيه فوقها بلوزة قطن أو بيجامة داخلية كاملة +هيلاهوب((عشان يمسك طرف الشماغ من تحت وماينفك لما ينام))
وبعدين أدهني رجليه بالزيت تمام وتكوني كمان مدفيه الشراب على الدفاية ((أفضل والله))
ولبسيه على طووول الشراب ولبسيه بعدين بجامته..ودخليه سريره..عشان لايبرد..ويظل دافي...((طبعا هذي الطريقة تسويها قبل النوم مباشرة...يعني تكوني مفرشة أسنانه ومعطيته علاجاته وكل شي...))

((فايدة ثانية للقطعة الشماغ وهي إنها تلف الصدر بحيث وقت الكحة مايحس الطفل بقوة الكحة لما يكح ومايحس إنو صدره مفكك..يعني هي مفعولها زي الكوفلة تلم العظام وتريح الطفل..))

وبإذن الله كلها كم يوم وماعاد تسمعي الكحة..أصلا تريحه في النوم...



بالنسبة للشراب أو إللي يشربه الطفل..

أنا أفّور مقدار نصف فنجان شاي من المويه+ورقتين كبار ورق جوافه((ممتاز ممتاز ممتاز فوووووق ماتتخيلوا للكحة والبلغم ومن تجربه وأسألوا جداتكم والعطارين))تلقوه عند العطار..((طبعا الورق مجفف مو طازج..أو تقدروا توصوا أي أحد تعرفوه عنده بستان فيه شجرة جوافه يجيب لكم الورق وإنتم أغسلوه وجففوه...وأستخدمو بهالأوقات من السنة..

المهم أفور المويه مع الجوافه عشان يتركز((يعني إللي يطلعلي بعد مايفور مقدار ملعقة أكل))طبعا يكون مركز..
وأضيف عليه ملعقة وسط عسل سدر+ملعقة صغيرة زيت سمسم+قطرتين ليمون((عشان تضيع الطعم شويه ..ولو إني أشوف مافي شي يطير ريحة زيت السمسم المعفنة))

خلاص قلبيه لحد مايذوب فيه العسل تمام وأسقيه لولدك...دااااافي
مرتين أنا أعطيه لبنتي..مره على الريق..ومره قبل النوم.....

أنا أسوي الأشياء إللي كتبتها لك يوميا والحمد لله ممتازة وتريحها قبل النوم...


جربيها وراح تحسي بالفرق من أول يوم....




لاتنسوني من الدعوة الحلوة باقماري...

والله يشفيلكم أولادكم ويخليهم لكم..

((أنا كتبت هذا الرد في مواضيع إحدى الأخوات..بس فكرت وقررت أنزله في موضوع لوحده عشان الكل يشوفه ويستفيد منه))


أختكم
ريريتا
أم جوانا...