كوبونات الراقية تسجيل الدخول

جولدن مون
جولدن مون •
شكرا لك عاشقة القلم ومشاء الله عليك وباذن الله هنووووو الحلوه تفيدنا بطريقة الملفوف
ولي لي ودانه الحلوه ولوميه وطب طب
شاركونا بطرقكم المميزهpampered child محظوظه نا اتمنى تضبط معي المكرونه بس البشاميل يطلع ثقيل
لوميه اتمنى تعطينا طرقة الجلو كباب
وكيكه ترايفل
جولدن مون
جولدن مون •
مشاء الله عليك ام روان بس حددوا شيء يطلب منكم دائما
عاشقة الصمت واميرة العرب وطف طف مرحبا
أميرة العرب جرح الليالي ومارويلا تسلم لومي عطتكم طلبكم عاد انتم حددوا فيدوا واستفيدوا
واسفه لو نسيت احد لانه الجهاز مخربط عقدددددددددددددني؟
جولدن مون
جولدن مون •
up
تعيسه
تعيسه •
انا مشهورة بالفوتوشيني و السلطات بأنواعها.. هذا اكثر شي احبه واتقنه
لومي الحلوه
لومي الحلوه •
جولدن مون جولدن مون :
شكرا لك عاشقة القلم ومشاء الله عليك وباذن الله هنووووو الحلوه تفيدنا بطريقة الملفوف ولي لي ودانه الحلوه ولوميه وطب طب شاركونا بطرقكم المميزهpampered child محظوظه نا اتمنى تضبط معي المكرونه بس البشاميل يطلع ثقيل لوميه اتمنى تعطينا طرقة الجلو كباب وكيكه ترايفل
شكرا لك عاشقة القلم ومشاء الله عليك وباذن الله هنووووو الحلوه تفيدنا بطريقة الملفوف ولي لي ودانه...
الجلو كباب من عيوني ..

جلو كباب .. أكله ايرانيه شهيره .. وهي عباره عن كباب اللحم مالرز الايراني الابيض المفلفل

بالزعفران وحبوب الرمان المجففه ..

نفس الشي انا ما استخدم مقادير .. يعتمد على عدد الأشخاص او عدد العائله

اهم شي اختياركم للحم .. افضل اللحم هو المدهن المليان شحم .. لأن هذا سر النكهه الايرانيه الأصليه

من عند الجزار .. اختار لحمه مدهنه واخليه يفرمها لي زين ..

بعدين اضيف للحم قليل من الطحين حوالي 4 او 5 ملاعق طحين .. عشان يتماسك

ملح وفلفل أسود .. قليل من السماق .. بقدونس مفروم (لاتكثرون)

بهارات خاصه باللحم .. بهارات مشكله بحرينيه (لاتكثرون)

بيضه مخفوقه .. بصله مفرومه .. ثوم مفروم طازج

أعجن كل شي مع بعض زين ما زييييين واتركه في الثلاجه لمدة ساعه ..

وعقب فيه طريقتين للتحضير ..

1-اجهز أسياخ الشوي العريضه الخاصه بالكباب ..

اشكل الكباب عليها و ارجعها للثلاجه مره ثانيه عالاقل4 او 5 ساعات ..

و أشويها عالفحم مباشره..ويضاف للفحم بضع اخشاب من شجرة الليمون او البرتقال للنكهه..

2- اذا لم تتوفر الاسياخ او مافيه مجال لاستعمال الفحم..

نشكل اللحم على شكل كباب بيدنا .. نشويه على مشواة الفرن المسطحه .. انتبهوا لا ينشف او يحترق

وبعدين نصفه في صينيه ونجيب فنجان صغير فيه زيت ونحط فيه جمر مولع ونغطي عليه عشان نكهة الشوي..

وللتقديم ..

يحضر الأرز البسمتي .. رز مفلفل بالملح والزيت (رز ابيض عادي) وعند الانتهاء منه يرش بقليل

من الزعفران المنقوع في ماء الورد ..

يوضع اللحم فوق الارز وينثر عليه حب الرمان المجفف والمقلي .. أو مايعرف بالزرشك

ويرش بكميه وافيه من السماق ..


لتحضير الرز بطريقه ايرانيه بحته ..

اغسلي الرز بالطريقه العاديه وانقعيه وخليه يستوي نص استوا..

ثم ادهني قاع القدر وجوانبه بالسمن البلدي الأصلي..

وكوني كريمه .. كثري من الدهن ..

افردي عجينه .. مكونه من (ماء + طحين + ملح + زيت + خميره قليله جدا)

وغطي فيها قاع القدر وجدرانه تماما تماما بحيث تلصق عالدهن

ارجعي غطيها بالسمن مره ثانيه من جوه بواسطة فرشاه .. بعدين حطي الرز النص مستوي مع

ماء الورد بالزعفران على العجين وغطيه وخليه على نار هاديه لين يستوي الرز والعجين..

يطلع للرز نكهه غير وطعم الخبز اللي يستوي جناااااااان ومقررررمش :)

ومن أشهر الخضار التي تقدم مع هالطبق البصل والطماطم المشويه .. وعروق الريحان

وبالعافيه على قلوبكم

واي استفسار .. حاضرين للحلوين