اختي (البسمه العذبه) صدقيني اوربتراك مرررره روعه ... سيبيك من
انه ممل لانك تقدري تتغلبي على هدا الشئ بالعزيمه ورغبتك في انك ترجعي مثل
ماكنتي او تقدري تتغلبي على ملله بمثل ماقالوا لك الاخوات في انك تتمرني وانتي بتابعي التلفزيون... وبصراحه انا شايفه انه افضل من السير الكهربائي قوليلي لييييييش:23:
انا اقول لك ........ شوفي ياستي اوربت ترك ميزته انه موفر لك كل شئ يحرك فيك كل عضلات جسمك اقصد اذا استخدمتيه وانت واقفه تحسي كأنك بتتسلقي وبتحسي كمان كأنك بتمشي على السير الكهربائي غير انه له اذرعه تخلي حتى ايدينك تتحرك وبكدا تظمني ان الفخوذ تنزل والايادي تنزل وحتى بطنك كمان ممكن تنزل لو انت خلال ماتتدربي شفطيها لجوه ... صدقيني هذا كان كلام البنات اللي خلوني بالفعل اقتنع اني اشتري الجهاز ولما جربته والله العظيم صدقت كل كلمه قالوها... اما السير الكهربائي ايديك لازم انتي اللي تحركيها واعتقد هذا متعب نوعا ما .

اتمنى اكون افدتك عزيزتي ويارب ينولك وينولي وينول كل وحده الرشاقه اللي تسعى لها:o

عزيزتي البسمه العذبه
عموما لو لخترتي السي الكهربائي اختاري النوعيه الجيده مش الرخيصه اللي تمتص الضربات عند المشي عليها عشان ما تأثر على الركبه مستقبلا
وما انصحج بالا جهزه اللي تشبه في عملها صعود الدرج لانها بالفعل متعبه للمفاصل وخاصه الركب
هذه نصيحه وانتي بكيفج :27:

غلاته
تسلمين ياعمري على النصيحة ومن جد شجعتيني أكثر إني اشتري اوربت تراك
( ويارب ينولك وينولني وينول كل وحده الرشاقه اللي تسعى لها) اللهم آمين

mznah
الله يعطيك العافية والله ماقصرتي
يكفيني إنك مريتي على موضوعي وشرفتيني بنصيحتك

اهلييين اختي البسمة العـذبة..
والعفو عيوني ماسويت الا الواااجب
وتسلمين على الدعوه ياقلبي
والله يجزاااج الجنه ..
وسوري لان توني اشوف الردود
مدري ليش مافيه خاصية اعلام بريدي.؟

عموما عيوني الجهاز اللي قلتلج عليه
شامل للجسم وجنج ماشيه ومسويه على الدراجه الثابته
واذا خفتي انج تملين منه تقدرين تخلينه جدام التلفزيون
وتتابعين برامج وتشوفين راح يضيع عليج الوقت
وانتي مو حاسه ...

طبعا الجهاز لاني بنادي وما اقدر اسوي
على كل الاجهزه فهذا الجهاز يعوضني
عن الاجهزه الباقيه ...

وبشرينا بالنتايج ...
بالتوفيق :27: :26: