بماذا يناديك زوجك؟ و بماذا تردين عليه ؟

بماذا يناديك زوجك؟ و بماذا تردين عليه ؟
كثير من الرجاجيل ينادي حرمته بـ هيه هيه ، و بعض الحريم عادي عندهم و البعض يتضايق و تكون ردة فعله مختلفه منهن من يرد بنرفزه ، و بعضهن يرد بـ هاه وش تبي ؟ و بعضهن تقول له كم مره اقول لك لا تناديني كذا ؟ ( و الرجل ماعنده فيها ) وهكذا........

انتن يا حريم حواء كيف يناديكن ازواجكن و كيف تردن عليهم؟
بالنسبه لي حلالي يناديني بالقاب مختلفة حسب مزاجه
احيانا يناديني بدلوعتي و احيانا حبيبتي ( احب هاللقابان )
و احيانا زوجتي العزيزه و احيانا بدلع اسمي الا هو حاطه حتى خواته صاروا احيانا ينادوني به.
و ارد عليه بـ نعم لوحدها ، او نعم يازوجي العزيز ، او يا بعلي شوى تبي ؟ ، واحيانا زوجي حبيبي قلبي ودلع اسمه عند الطلبات ( و هو على طول يقول وش تبين؟ فاهمني الله يخليه لي ).
زي ماانتم شايفين هو اجرى مني في الالقاب و اكثر لان استحي احيانا ( و الاحيان الثانية ) بس هو وده انا ارد عليه بـ سم أو لبيه و أنا جالسه اعود نفسي عليها بس استحي.

لاتقولون وش هالفاضيه بس والله ترى اللقب جدا مهم و له تاثير كبير سواء عليك او عليه و انا اقول هذا الكلام من تجربه شخصية ( قبل و بعد ) ( اخس ياالخطيره ).
و سلامتكم.