بما أن المواضيع عن جده .. حملة دعاء واستغار الله يلطف بحالنا كلكم ادخلو ادعو

السلام عليكم ورحمة الله وبركاته
اخواتي كلنا عايشين الوضع والحمد لله على مااخذ والحمد لله على ماأعطى مواضيع الصفحه العامه كلها عن جده واللي حصل طبعا كل اللي يجي من ربنا خير لكن لكل شي عنده حكمه ومقدار ورحمة ربنا ان شاء الله انها اكبر وأعم
اللي مات بإذن الله من الشهداء واللي عاش وانكتب له عمر جديد الله يثبته على الطاعات وحال أهل جده مايخفى على أحد الضرر اللي صار في الناس والممتلكات موقليل ابدا ماتوقعنا فرحتنا بالمطر تتحول لدموع وبكاء وترقب للمجهول

اتمنى من ألاخوات توحيد الدعاء من قلب واحد وبلاش المهاترات اللي بتقول فساد ومدري ايش مافيه بقعه في العالم مافيها الفساد وجده ماهي مدينة الملائكه كل ماتجي وحده قالت من المصايب من الفساد من اللي فيها ياأخواتي الكريمات حتى في المصايب لازم مهاترات الله يهديكم قسما بالله احزن جدا في عز المعمعه امس 3 بنات معانا قلبو الموضوع رأسا على عقب وتحول الموضوع من مطر جده الى اصول وقبايل وحيا وما حيا ايش هذا يابنات خلو تفكيركم وووعيكم أرقى هذي أزمه ولاااااازم نتوحد بالدعاء لعل فينا من تقسم على الله لأبرها

أدعو ياأخوات هذي ايام فضيله ليس أحب فيها الى الله من الأعمال الصالحه والدعاء مخ العباده
(اللهم ياواسع الملك والملكوت يامن بيده مفاتيح الخير والشر ارحمنا برحمتك وارفع الضر عنا .. اللهم ارحم موتانا وموتى المسلمين اللهم اسقنا غيثا صيبا نافعا اللهم اجعله سقيا رحمة لاسقيا عذاب اللهم حوالينا ولا علينا اللهم في بطون الأودية والشعاب .... ربنا واغفر لنا وارحمنا ان لم تغفر لنا لنكونن من القوم الظالمين )