السلام عليكم ورحمة الله وبركاته
هلا وغلا باأخواتي ....
أتفضلوا
طبعا يابنات موضوعي حلو وخفيف على القلب زاد مع الجو الخيالي اللي تعيشه جدة هذه الأيام........... إيش رأيكم كل واحدة تقولنا أيام الدراسة إيش اليوم اللي كان يعجبك وليش أو موقف طريف حصلك في المدرسة .أنا عن نفسي كنت أحب الأربعااااااااء عشان كان بداية الإجازة الأسبوعية وأحاول ماأتنكد في ذاك اليوم في المدرسة سواء مع المدرسات أو الطالبات وزاد لو صادف يومي العزيز غيوم تظللنا ذيك الساعة أترك الأتوبيس وأروح مشيا على الأقدام..... وقصتي الطريفة واللي تنفع في طاش ماطاش هيااااااااااااااااااا
أنا من المدينة المنورة ... وأيام الدراسة كنا نروح المدرسة بالسيارة ونرجع برجولنا!!!!! 45 د ومن المصانع لحد باب الشامي هذه الشفرة خاصة بأهل المدينة وأقول ليش ماكنت أسمن:confused: .......المهم جلسنا على هذا الحال حتى المتوسط.......
في يوم من الأيام راحت أمي الغالية إهي وجارتنا عند وحدة رجعت أمي تقول أم فلان تقول بنتي ترجع من المدرسة بالأتوبيس وأنت وصديقتك لكم سنتين بالمتوسط وهذه السنة الأخيرة ولا أكتشفتوا والله بنتي غبية:unhappy:
المهم أخذت إسم البنت ورحنا ندور عنها بالفصول ولقيتها وقلتلها لمن تنصرفين أستنيني عند المكان الفلاني عشان تعلمينا عن الأتوبيس قالت طيب. وحسينا إنو عملنا إنجاز واليوم سوف نودع المشي على الأقدام ورح أثبت لأمي إنو تعبها ماراح سدى.... جا وقت الإنصراف أستنينا البنت .إتأخرت قلنا يالله أنا وصديقتي ورحنا ولقينا إثنين من الأتوبيس واحد ((أصفر)) محشي لآخر درجة وأغلبهم بنات حارتنا !!والثاني ((سابتكو) فاضي مافيه إلا #8 ......... طبعا قلنا وليش نزاحم تعالي نروح للفاضي شكلو البنات مو داريين عن الأتوبيس الثاني.........
ركبنا ولقينا في 8 بنات والكراسي أغلبها فاضيه جالسين ندلع ونختار الأماكن إلين ماوقع إختيارنا على آخر الأتوبيس.تحرك الأتوبيس وبما أنو مو متعودين علي جلسة الأتوبيس طبعا أكيد متخيلين لمن يفرمل إيش يصير :time:بنلاقي نفسنا كل وحدة في جهة . أو كل وحدة في أحضان الثانية .. أو بنلاقي نفسنا اترمينا عند الباب:hahaha:
الصراحة هبل فينا والصراحة كنا نضحك بشكل هستيري من الموقف اللي صاير لنا ولسة مالنا إلا دقائق طبعا ...وقف عند الإشارة وجنبنا الأتوبيس الأصفر وهو محشي حشي ومستغربين ليش الزحمة وفي أتوبيس ثاني الا نشوف الأتوبيس الأصفر المزدحم رح يسار جهت الشارع اللي يودي لحارتنا وإحنا راح لليمين .طبعا خفنا وأستغربنا لكن فرحانين لنا أكثر من شهرين مانتمشى وأعتبرناه تمشية:slider:
الأتوبيس رح يجمع طالبات من مختلف المدارس اللي يمر عليهم في طريقه وإحنا ماخذتنا الوناسة والضحك على بعض.. ومن مدرسة لمدرسة وفرحانين....ياناس محرومين من الطلعة....طبعا كان شكلنا ملفت للنظر.. وبعدها بدأ ينزل الطالبات كل وحدة عند بيتها. ... وبدأوا في التناقص ..وجالسين نضحك ككككككككك :scream:بصوت عالي إلا نشوف نفسينا مرينا على مسلخ الأغنام _ ومسلخ الأغنام بعيد عن المدينة ساعتها.. بدأ الضحك يتلاشى>>أبوك يالفصحى>> توقف وبدأ الخوف يسري في جسمنا وقامت صحبتي _ الله يذكرها بالخير_ قامت تقول ياويلي شكلو الرجال رح يودينا المسلخ يسلخنا وطبعا هذا كلو مابقي إلا انا وهيا ووحدة:unhappy:
المهم وشفنا نفسن وحنا في مكاان بعييييييييييييد .لمن وصل آخر بنت قمنا نصيح ونخاصم وإلا المسكين أتفجع وأستغرب من وجودنا لأنو كنا فيييي نهاية الباص ..قال فين مكانكم ؟؟ قلنا رجعنا رجعنا المدرسة وخلاص..... والحمدلله طلع طيب ورجعنا للمدرسة ..ووقف عند نفس الإشارة اللي أفترقنا منها إحنا والأتوبيس الأصفر ساعتها عرفت طريق البيت ودليته ووقف عند مدخل الحارة وكنا مرررررة فرحانين بسلامتنا......المهم لمن جينا ننزل ماقدرنا نتوازن من كثر السقطات نزلنا وإحن نضحك ضحك هسيتيري عل اللي جرى لنا وأول ماأتوطت أرجولنا الأرض هاتي ياجري الدنيا قبل العصر:eek: والناس نايمة وقفنا عند دخلة وجالسين نضحك نضحك على غبائنا لييين ؟؟؟ انتو عارفين إيش ينزل مع كثرة الضحك............... وكملنا طريقنا إلا ونلاقي أم صحبتي ووأخوها جالسين يدوروا علينا ساعتها أتخبت ورايا قالتلها أمها فين كنتوا؟ قالت مو انتوا طلبتوا مننا مانرجع بالباص وإحنا مين أول بالبص لكن مو باص حارتنا....... قالت لها خير خير أمشي قدامي ......
وأنا رجعت للبيت وأنا أجري وبطني مليانو ضحك وأوصل وألاقي العائلة جالسة تتغذا وأحكيلهم باللي جرى لينا.... وأمي أتطالع على أبويا ومو مصدقييييييييييييين....وما أذن العصر إلا وأم صحبتي جات تضحك على سواليفنا وخرابيطنا:booo:
وصرنا اليوم الثاني أشهر من نار على علم وجلس هذا الموضوع لحد الآن أطرف شيء حدث لينا....... قال بنودع المشي على الأقدام والله كنا نودع حياتنا لولا لطف الله.....
طبعا كل وحدة تسدح لنا موقف طريييف وإلا باأزعل منكم يلللللا
وفعلا جدة الان اجوائها حلوة هوا بارد وشويه غيم وشويه تشمس
ايام المدرسه آآآآآآآآآآه على الماضي
كان كل شي حلو
كنت طالبه مشاغبه
وكنت اشرد من الحصص انا وصحباتي ولانحظر *** وتمسكنا الوكيله وتكتبنا تعهدات ههههه
ويهددون المدرسات بتقيص درجاتنا وطبعا كذب ماينقصو ولاشي الا يدفونا بالدرجات عشان ننجح ونتخرج
احلا ايام حياتي 2متوسط و3متوسط واولى ثانوي وثالث ثانوي اياااااااااااااااااام تهبببببببل ليتني ارجع لهاااا
قومة الصباح والتصبيح على البنات وتفتيش الاظافير هههههههههه كنت امسك واقص اظافيري كنت فالتها مرة بالمدرسه لين تخرجت ودخلت الجامعه انتساب ماقبلوني انتظام هههههههههه من الدرجات الي تفتح النفس
والى الان اكمل جامعه الله يسر
في ذكريات كثير
افتكر بالمتوسط كنا نكتب انا وصحباتي اول باول وش صار اليوم ناخذ ورقه كبيرة وانا اكتب اسمي واكتب وش صار موقف معايا مع البنات او مع ابله وكذالك صحباتي كتبنا حق ترمين بعدها قطينا فلوس وصورتها ماشاءلله تقريبا 80صفحه او اكثر واخذ التصوير علينا 150 ريال لانو كنا كثيرين والاوراق كثيرة والى يومك ذا محتفظه فيها كل ماطفشت نزلتها واجلس اقراها واضحك مع نفسي
اشكرك عالموضوع ..