بما انكم اعضاء رائعين فأنا طمعانه فيكم

السلام عليكم ...

انا بصراحة بشوف هون في كتير اعضاء ما شاء الله عندهم قدرة على انهم يعطوا حلول مناسبة لبعض المشاكل ,,,,وانا طمعانه فيكم عشان هيك بدي تساعدوني بأرائكم لهالموضوع اللي بدي احكي هلاء ,,,لكن بدي تعطوني رأيكم بعد ما تتخيلوا انه انتوا اصحاب الموقف وعلى هالاساس كيف راح تتصرفوا ............

تخيلي تكوني قاعدة في بيتك كافية خيرك شرك وفجأة يرن عندك الموبايل ,,ولما تردي تكتشفي انه اللي على الخط هو زوجك ,,,لكن هو مو متصل عليك عمدا ,,القصة وما فيها انه ناسي يعمل قفل للموبايل ,,فبحركة معينة رن عندك .............

المهم اكتشفتي انه قاعد بيتناقش هو وامه واخوه وانك انتي محور الحديث ,,,,,,,,,

سمعتي امه وهي بتقنعه انك انتي ما بتحبيه وانه ابنك اللي عمره اربع سنين قالها انه ماما كل يوم بتسألني مع مين بدك تبقى معي ولا مع ابوك !!!!!!(وطبعا هادا الكلام كله كذب وماله اي اساس من الصحة ,,يعني بتكذب عليك وعلى ابنك )..
وسمعتيها بتقوله كمان >> طلقهااااااااا وانا بزوجك من بكرة وحدة احسن منها والاولاد خليهم عندي انا بربيهم ,,ممنوع تاخدهم هي عشان ما تحقدهم علينا وكمان عشان نحرق قلبها عليهم ,,,,,,,,,,,

لكن زوجك ما هونتي عليه وصار يدافع عنك وقلهم انه ما بطلقها لو شو ما عملتوا واذا هي مفكرة تتركني خلص تتركني هي انا ما بتركها ..........

راح اخوه عصب وحكاله انه انا راح ادعس في بطنك و بطن مرتك >> في احقر من هيك ناس !!!!!!!!!

و زوجك قله انه اللي برجل مرتي يعني كندرتها( الله يعزكم) احسن منك ............

لعند هون وانتهت المكالمة ............

زوجك المسا اجى على البيت وتصرف عادي وما جابلك سيرة ابدا عن اللي صار ...........

هلاء كيف راح تتصرفي ,,
بتحكي لزوجك انك سمعتي كل شي ولا بتطنشي وخصوصا انه ما بدو يحكيلك عن اللي صار ؟؟؟؟

هلاء بما انه العيد قرب ان شاء الله بتقبلي تروحي عند حماتك وتعيدي عليها عادي ولا كأن شي صار ؟؟
ولا بترفضي تشوفيها ؟؟ كيف راح تتصرفي معها (خصوصا انها ام زوجك مو اخته مثلا اللي تقولي راح اربيها )....

واخو زوجك بتقبلي تدخلي بيته بعد اللي عمله و اللي قاله عنك ؟؟؟ على العيد اذا اجى على بيتك بتقبلي تدخلي تسلمي عليه ؟؟؟ بتحكي لمرته على حكي عنك ؟؟؟ كيف راح تتعاملي مع هيك انسان (بتكتفي برد زوجك عليه)؟؟؟

مع مراعاة انك انتي ما غلطتي بحقهم ابداااااااا يعني انتي مو عارفة ليش هم بعاملوك بهالطريقة وشو سر هالحقد الغريب (كأنك قاتلتيلهم قتيل ) ....

ان شاء الله يا رب ما تشوفوا شر وتكون حياتكم كلها سعادة .........