بما ان المواضيع اليوم ماسكه شمال 😂😂

السلام عليكم
كيف حالكم
قبل شوي دخلت موضوع يتكلم عن زمن ودك ترجعين تعيشين فيه
طبعا انا بالمجمل راضيه الحمد الله بحياتي هذي وبزمني
رغم انها حياه خايسه 😂💔 الحمد الله على كل حال
لكن الموضوع رجع بي شوي لورا
للماضي الجميل 🥺❤️
في مراهقتي الحمد الله اهلي ماكانو مره متشددين وفي نفس الوقت كانو حازمين
يعني عشت بالطول والعرض وكنت سعيده جدا جدا الحمد الله
اذكر كان فيه وحده كانت كششششخه وجميله وناس ربي معطيهم خير ماشاء الله وكانو اغنياء ويسافرون دول غريبه مادري هي على الخريطه ولا لا
المهم ان هذي الانسانه كانت انيقه بمعنى الكلمه
وشفت معها شنطة كريستيان ديور .. الجينز اذا تتذكرونها 😂
واعجبتني واروح من زود الثقه اقول لابوي ابي شنطة كريستيان ديور قال ابشري
طبعا ابوي مايدري كريستيان ديور هذا وشهو من لحيه 🤣
قلت يبه بس هي شوي غاليه قال بكم
قلت اربع الاف 🤣🤣 طبعا على طول طرده مع الاعمال الشاقه عشان ماعاد افكر في طلبات زي كذا مره ثانيه 😂💔
المهم اني في نفسي الشنطه ابيها ابيييها
ياربي اربعه الاف من وين لي ؟؟؟ وافكر افكر
انا فسحتي كلها على بعضها ثلاث ريال .. كيف ووشلون ؟ وافكررررررررررررر
واروح وافتح دولابي واطلع منه تنوره جينز
واقصها بالمقص واخيط القماش واسوي لي شنطه 🤣💔
بنات انا مصدومه من الثقه اللي فيني
متخيلين اني رايحه فيها للاختبار حاطه فيها قلم الاختبار واوريها البنات 😂😂😂😂
كان فيني شعور سعاده انها جينز زي الشنطه اللي عاجبتني وكنت مفتخره بإنجازي العظيم 😂😂
يا الله 🥺 يازين ذيك الايام 😭❤️💔