بمناسبة اقتراب الصيفية ........

السلام عليكم ورحمة الله وبركاتة
اخواتي العزيزات :39:
بمناسبة اقتراب الصيفية واكيد كلنا راح نسافر واغلبيتنا راح يستأجرون :44:

وانا اخص هذا الموضوع (اللي يستأجرون في الشقق) اسأل العلي القدير ان تعم بة الفائدة علينا جميعا المهم احنا لما نسافر نهتم بالملابس واشياء الشعر والحمام وننسى اشياء مهمة ماراح اطول حبيباتي وحبيت اهديكم هذي المفكرة تذكرك بأذن الله بكل مستلزمات الرحلة الطويلة او القصيرة






اولا:لالالالالاتنسي كتاب الله الكريم ابد ابد واول ماتسكنين الشقة اقرأي سورة البقرة كاملة نسأل الله ان يجعلنا ممن يتلونة حق تلاوته آآآآآآآآآمين
ثانيا :في الطريق لاتنسين القهوة والشاي والماء وكاسات بلاستيك وفناجيل قهوة وشاي ومنشفة طوارئ ومناديل .....
ثالثا :من منا مايصبح على ريحة القهوة والفطور والشاي صعبة زوجك او ابوك يصبح على المطعم يدور على فطور يعني لاتغيرين روتينك اللي كنتي تسوينه في البيت يعني خذي القههوة ومستلزماتها والدلة والثلاجة (الترمس) والفناجيل ومعلبات وخبز اللي موجود وخلي معك قائمة بالاشياء اللي راح تحتاجينهامن السوبر عشان اول ماتوصلين تشترينها وتكونين موملخبطة في شي اوناسيتة نرجع لاتنسين الزند (اللي تولعون به الناراللي تسمونة) والشاي وبرادة وفناجيلة والنعناع وصحون التقديم لاتنسينها والفطور يكون معك صحون صغيرو ومقلا او قدر صغير المهم اي شي تستخدمينه في الفطور....
رابعا:الغداء طبعا يمكن اول يوم نطلع اشتقنا للمطعم لكن يمكن في يوم يمكن تنامون اوماحد يروح يجيب لكم غدا اوالكبيرين في السن الله يطول في اعمارهم مايحبون اكل المطاعم طبعا انتي خذي لك فرامه صغيرة يدويه او كهربائية انا معايه واحدة ماتفارقني كهربائية ريحتني كثير للسلطات وللفرم البصل والطماطم .....وخذي لك قدر عشان تطبخين فية لهم تقدرين تسوين عدة اكلات لذيذه وخذي صينيه للفرن لاتنسين وملعقة طبخ وملاعق وشوك وسكاكين وكاسات غير البلاستيكية حقت الطريق لانه مانحب البلاستيك كثير وبرضة بتخلص ولاتنسووووووووووووووون غلاء الاسعار:icon33: وكل ماوفرتم كل ماطولت الرحلة والله لونعتمد عالمطاعم لتروح اموالنا فيها وفي التماشي وفرو شوي وخلوها للتماشي ولاتنسون الملح والزيت والبهارات اللي تستخدمينها والرز والسكر والدقيق

بالنسبه لأغرض السوبر اللي متوفر عندك خذيه واللي خلص اكتبيه في القائمه:

قسم اللحوم : اللي تفضلون لحم ومفروم ودجاج وسمك اللي تحبون خذو
قسم الخضار:بصل -طماطم-ليمون- بطاطس -كوسة- جزر- فلفل اخضر-ثوم-بقدونس -كزبره زهرة اللي تحبين وتستخدمينه في البيت
انتي خلي عندك ورقة في المطبخ وانتي تطبخين واكتبي كل شي تستخدمينه وبعدين وفري اللي موجوده عندك حطي عليها علامه واللي مومتوفره اكتبيها في ورقه نظيفةوصدقوني الاغراض هذي بتوفر عليكم كثير وماراح تكون كثيره انتي خذي الكمية اللي تكفي بس والاغراض المهمة .....


اتمنى اكون افدتكم اخواتي واذا تذكرت شي برجع اكتبة مرة ثانية
سبحانك اللهم وبحمدك اشهد ان لااله الاانت استغفرك واتوب اليك
وصلى اللهم على محمد