ماشاء الله لاقوة الا بالله
اليوم ولله الحمد مطرت عندنا في جده فقررت اسوي الغدا معدوس وسويت معاه ايدام سردين وايدام تونه لانه
ماكان عندي سمك هذا غير السلطات طبعا وطلعت الغدوه على كيف كيفكم >>تستاهل بئوكو
واحلى شي فيها انها سهله جدا جدا .....ومقاديرها متوفره في كل بيت
ومقاديرها هي : 2 كوب رز مصري
1 كوب عدس اصفر
بصل مفروم
ثوم مطحون
كمون مطحون+كركم+ ملح + ماجي + قرفه
بصل مقلي للوجه
نحط البصل في قدر على النار مع شوية زيت وبعد مايذبل نحط معاه الثوم وبعد شوي نزيد الرز والعدس اللي نكون
غاسلينهم وناقعينهم مع بعض
بعد حوالي دقيقتين نضيف عليهم البهارات كلها وحوالي لترين مويه مغليه ونقلبهم وبعد مايبدا يغلي نوطي النار
ونغطي القدر
ونستمر في التقليب كل عشر دقايق الين يصير بهذا لشكل
نغرفه في صحن واسع ونحط عليه شوي زبده سايحه او من الزيت اللي قلينا فيه البصل ونزينه بالبصل المقلي وهذا
هو شكله النهائي ماشاء الله لاقوة الا بالله
فيه ناس تاكله لحاله وناس تحط معاه سلطة الحومر وناس تاكل معاه سمك وانا منهم ...لكن للاسف ماكان عندي
سمك فقررت اسوي معاه ايدام سردين وايدام تونه
ومقادير السردين : علبتين سردين
بصل مقطع
فلفل رومي مفروم
فلفل حار مفروم ( اختياري)
طماطم مفروم
جزر مبشور
بهارات حسب الرغبه ومن ظمنها فلفل بودره
زنجبيل +ثوم مفروم
نحط في تاوه على النار زيت السردين ومعاه بصل وبعد مايذبل نزيد عليه الثوم والزنجبيل وبعد شوي الفلفل الحار
والرومي والجزر وبعدها البهارات والطماطم وبعد شوي نحط الصويا الحلوه لانها تعطيه طعم رهيب ونتركه الين يتسبك
وبعدين نزيد عليه السردين ونغطي التاوه والصور تحكي
وهذا شكلها لما استوت
جربوها تراها لذيييييييييييييييذه جدا والطبخه كلها مااخذت ربع ساعه