رائــعــة الكلمة @rayaa_alklm

محررة فضية

بمناسبة رمضان ~ْ صــلــصــة الــبــيــتــزا +عــجــينتــها (سر فيها)~ْ خيــال

المعجنات والمخبوزات والسندويتشات • 15 سنة

السلام عليكم

رمضان ع الابواب جعلنا الله واياكم من صوامه وقوامه..

هذي صلصة بيتزا + عجينتها اقل ماتنوصف بانها رائــعـــة ..

ماأطول عليكم.. ببداء بالعجينه فقط مكوناتها من دون طريقة لان الخطوات معروفة اكيد..
العجينة :
*****

كوبين دقيق
ملعقة صغيرة خميرة فورية
نص ملعقة صغيرة بكنج باودر.. (أختياري)
فنجال قهوة سكر.. (صغير)
فنجال قهوة نيدو.. (صغير)
لبن او حليب سائل للعجن.. (بدون تحديد لين تتكون عجينة مطاطية)
ربع كاس زيت زيتون
ملعقة حلى اوريجانو او ريحان او توابل ايطالية .. (الموجود)
ملعقة حلى بودرة بصل
ملعقة حلى بودرة ثوم..(واذا ما انوجد الا نوع واحد كميته تكون ملعقة اكل ..المهم وجود نوع واحد)
((الصراحة وجود بودرة البصل او الثوم مع الاوريجانو بالعجينه يعطيها نكهة رااائعة..وتركيز هالنكهتين انتي تتحكمي فيه..))>>> هذا سري : )

نجي لصلصة البيتزا. ... (بنتخيل كمية تناسب الكوبين من الدقيق) لاني الصراحة اعمل كمية كبيرة واعبي بالعلب وع الفريزر..
************
زيت زيتون ع النار نضيف له البصل والثوم والزنجبيل الرطب

اذا تحمر شوي نضيف الفلفل البارد+الحار(حسب الرغبة) ثم نضيف البندورة المقطعه

نقصر النار ونسكر القدر..لحد ماتسبك ..

نضعها بالخلاط مع شووية موية..ونخلط زين

نرجعها النار ونبداء بالاضافات:

ملعقة اكل مليانة سكر

ملعقة حلى زعتر

ملعقة حلى اوريجانو او توابل ايطالية او ريحان(الموجود)

3ملاعق كتشب

ماجي(ان حبيتوا ما انكر انه يعطيها طعم بس مضر : ( )

فلفل اسود..كمون..كاري (اي بهار تفضلي)

تخليهم يتسبكوا على نار هادية..

وبعدين افرشيها ع العجينه واستمتعي بالرائحة اثناء الخبز..وبالطعم..

مناسبة للاطفال اللي مايحبو وجود قطع الطماطم والبصل والفليفلة..مثل اللي عندي : )

وصحتين وهنا .. الله يعينكم ع الادماااان..

دعوااااااااتكم أغلى ما أطلب..

10K

يلزم عليك تسجيل الدخول أولًا لكتابة تعليق.

تسجيل دخول

اميرة بأخلاقي • 15 سنة

سلمت الايااادي

عسلوجة • 15 سنة

طريقتك اعجبتني والعجينة حلوة ممكن اعمل به بعد الخبز الايطالي بالجبن والثوم

تسلمي الله يصلح عيالك وزوجك ويجعلهم قرة عين لك

رائــعــة الكلمة • 15 سنة

الجمييييييع يسلموووو

وحبيت بس اوضح ملعقة الحلى=ملعقة صغيرة
يعني نفس الشي..

عسلووجة

ياحبيلك مشكوورة ع الدعوة
وياليت تعلمينا طريقة خبز بالثوم ان كنتي انتي بنفسك تخبزيها

كل الشكر لمروركم الكريم

sonna99 • 15 سنة

مشكورة وصفة رائعة

احاول • 15 سنة

يعطيك العافية

سر النكهة عجيب وأول مرة اعرفه