المقادير
3 جلي ملون _____________ (أنا كان عندي 2احمر و 1اصفر ) تعمليه مثل ماهو مكتوب ع العلبة وتخلية يبرد أنا الثالث كان في الثلاجة علشان كذا ماصورته
3 علب قشطة
3ظرف دريم ويب
الطريقة
تضعي في خلاط الطماطم لون واحد من الجلي اللي عملتيه انا هنا حطيت الاحمر وواحد قشطة وواحد دريم ويب وبعد الخلط تسكبيه في صحن البايروكس وتخلية في الثلاجة لحد مايتماسك
وبعد مايبرد ويتماسك تعملي الطبقة الثانية تخلطي في الخلاط اللون الثاني من الجلي انا هنا عملت اللون الأصفر مع واحد قشطة وواحد دريم ويب وبعد الخلط يسكب ع الطبقة الاولى لكن بشويش علشان مايناحس مع الطبقة الأولى وتدخليه الثلاجة
شوفوا كيف هي الطبقات
وبعد مايبرد ويتماسك تعملي الطبقة الأخيرة تخلطي في الخلاط اللون الأخير من الجلي اللي عملتيه طبعا انا هنا مثل ماقلت لكم كان عندي 2 احمر (ولا كنت اعمل اللون الأخضر فهالمرة ماكان موجود عندي فعملت 2 احمر و 1اصفر )وتخلطي مثل الطبقات الأولى 1 جلي وواحد قشطة وواحد دريم ويب وتسكبيه ع الطبقة الثانية ومثل ماقلنا بشويش وتدخليه الثلاجة
كان ودي صورته لكم بعد ماقطعته علشان تشوفوا الطبقات كيف هي لكن ماكان عندي فرصة
وانصحكم تعملوه هو خطيييييييييير طعم وشكل
وان شاء الله اشوفه في قسم التطبيقات