اسال الله لكم في شهر رمضان
حسنات تتكاثر و ذنوب تتناثر
وهموم تتطاير
و ان يجعل بسمتكم سعادة
و صمتكم عبادة و خاتمتكم شهادة
و رزقكم في زيادة
و بكل زخة مطر
بعدد من حج و اعتمر
ادعو الله ان يتقبل صالح العمل
كيفكم يا حوائيات ؟؟ ان شاء الله تمام
هذا اول موضوع لي و اكيد ابي منكم تفاعل يا حلوات
كلنا مستانسين بقرب رمضان و الكل بدا يستعد
و حماااااس و حووووووسه
اهم شيء هايبر بندة و اللولو و التميمي هع هع
الحقوووووا ترا كل شيء بيخلص كل واحد يلحق على عمره ههههههه
لا تنسوووو الفيمتو والتانج <<< عشرة عمر هع هع
طبعا حابه اقدم بعض النصايح يا كتكوتات
اول شيء بمناسبه قدوم شهر رمضان جايبين لنا مسلسلات حقت 10 سنين ما اقولكم لا تشوووفو مسلسلات لكن مسلسل واحد اثنين تكفي و ان زاد بالكثير ثلاث << لا يكثر
بدل هالمسلسلات خلونا نختم القران افضلنا في هالشهر الفضيل
و ابي كل وحده تقرا موضوعي تطبق كل الي اقوله
الحين نبدا بالفطور كثير منا نغلط هالغلطه و هي
وقت الفطوووور مشاء الله نفرش سفره اش طولها تقول برج خلفيه
ما اقول لا تطبخون طبخووو و تفننوا بس لا تكثرون اكل
شهر رمضان الحكمه منه نحس باخواننا المسلمين (( الفقراء ))
واحنا مشاء الله كل عايله سفره تكفي اسبوع ناكلها بيوم كمان
ثاني شيء فكره حلوة و تكسبي منها اجر
كل صنف تسوينه عصير حلا مالح خذي منه شوي و حطيه بصحن
و خلي احد اولادك الصغار ياخذونه للمسجد صدقه
ثالث شيء احب اقول للي عندها اطفال اعمارهم خمس ست يعني لسه صغار تسوي نفس حركتي لاخوي الصغنون
جدول صلاة طبعا حتقولو صغير 5 سنوات بس تعلمينه بهالعمر احسن حتى ينغرس هالشيء بقلبه و يصير عنده ايمان
انا سويت حق اخواني جداول
واحد عمره 9 و الثاني عمره 5
طبعا الي عمره خمس قعدت اوصف له الجنه
علمته فيه جنه و فيه نار و فيه حسنات و سئيات و قلت انو الحسنات زي النجوم و السئيات زي الاكس من شان يستوعب هالشيء
و الحين صار لما يشوفني اصلي يجي يوقف معي يركع و يسجد
و يقولي الحين ما راح ادخل النار صح <<< شفتوووا كيف تأثر
و علمته التسبيح بس علمته لا اله الا الله و استغفر الله
ما يرددها الا لمن اقوله بس احسن يتعود لسانه عليها
اما الي عمره 9 سنوات ما يصلي و قلت له لو يصير لماما او بابا شيء لا سمح الله ما بيدخلوو الجنه عشان وجهك لانك ما تصلي و شرحت له
طبعا هالشيء كثير منا ينساه
و احب اقول لكل ام استغلي رمضان و علمي عيالك فضل الاستغفار و التسبيح و الصلاة
و للكل ام غافله عن هالشيء اولادك امانه
((و هذي بعض الجداول للصلاة))
اللهم بلغنا رمضان
واعنا على الصيام
والقيام وقراءة القرآن