بمناسبة مسابقة افضل طبق .. جبت لكم المنسف

السلام عليكم يا حوائيات


عاد بما انو المسابقة يقولون فيها فلانه عليها هالطبخه الفلانيه


امس زوجي قال لي ودي بالمنسف اللي تسوينه


كان لنا فتره قضينها بالاردن واكل منها هناك عاد طلب مني اسويها له وبعد البحث عن الطريقة شفتها وغيرت فيها وحورت فيها شويات لمن طلعت بمنسف جديد ينسبونه لي 🤣


ونبدأ بطريقتي ..


اسلق اللحم في ماي وملح وبهارات صحيحه لحد ما تستوي اللحمه .. بعدين ارفع اللحمه وماي اللحم اسوي عليه الرز .. واسوي حشوة مكونه من بصل وزبيب وصنوبر واحطها فوق الرز بعد ما ينشف واغطي القدر ربع ساعه حتى يمتزج الطعم ..


في قدر ثاني اصب لبن وفلفل اسود ودقيق واحركه ع النار لحد ما يثخن شويات وبعدين ارجع اللحمات فيه واخليه لمدة ربع ساعه


بعدين اغرف بذي الطريقه


في صينية تقديم الرز .. اقطع خبز بالقاع بعدين اشربه باللبن المطبوخ مع اللحمه .. بعدها الرز .. وفوقه اللحم والرز .. ويطلع الشكل رهييييب والطعم وااااو


وبالعافيه ..