بمناسبه السنه الجديده وش ناويه تسوووووين

اليوم خالتي دخلت علي الغرفه وانا مسويه اني برتبهااا الا سالتني وش ناويه تسوين هل السنه الا انا وجهي:eek: كذا قلت لها ما بسوي شي قالت لي الله 360 يوم وومنتي مسويه شي بس
بتبطحين وتسدحين وتاكلين
هنا عرفت انها تبي تفاصيل مني فاقلت اني بحاول اذاكر بما انه باقي على الامتحانات شهر
وانا لسى مااذكرت الا ثلاث ارباع الكتاب << حظرتها علم اجتماع انساب مطور اول سنه واول ترم
وكاني نجحت كمل مانجحت سحبت مفلي << تتكلم وهي معصبه تبي تنجح بلا تعب
ودي اخذ دورة مكياج ان شاء الله ودي اعرس ووودي اسافر تايلند ومكه اعتمر <<شوفو التناقض

وبس

وخالتي ودها تكش علي وبنفس الوقت ودها تكمل الحوار باسلوب حضاري فامسك نفسها عن الكشه
وقالت لي طيب هذااا اعمال فكرتي فيها بدنيتك وباقي الاعمال لااخرتك قلت اني بعتمر ان شاء الله وبخاطري قلت اذا حصلت حجه ليه لا وقلت بعد بخاطري وان شاء الله ناويه اسوي اللي بخاطري
كله و اني احفظ جزء عم << بكمل يعني لاني بديت قبل العيد ولسى باقي الكثيرررررر

وبعد ذالك طلوووو خواتي الثنتين علينا واجاهم الدور بالاسئله وبعد ذالك سوت لنا محاظره قصيره
عن شلون الواحد لازم يعد لااخرته لا يفكر انه توه صغير وتو الناس عليه
ومن بين الكلام اللي متذكرته الحين ان الواحد لازم يحتسب الاجر من الله بكل ابو شي يسويه
سوا لنفسه ولا لغيره مثلا اني اجيب كاس لحد طلب مني او اني اشوف
عمال بالشارع واروي عطشهم بالماء وهكذاااا
اوكيف لازم يحفظ لسانه من الكلام البذئ << الكلام ذا كانت خالتي تنقز فيه لاختي ام لسان


الحين يلا ابي اسمعكم مدري اشوف وش بتسووون ان شاء الله

كل عام وانتم بخير بالنسبه لسنه الجديده ناويه باذن الله اكمل دراستي الجامعيه واعالج ولدي الله يشفيه واعمل مشروع صغنطوط وبالنسبه لسنه اللي فاتت جبت نوني صغيرون منضم للفريق اللي عندي الله يخليهم ويسعدهم وان شاء الله احقق احلامي وطموحاتي وبالتوفيق للجميع

انا ناويه باذن الله احفظ القران هدي السنه وافكر ادور لي وظيفه اشغل بها وقتي وربي يسهل علي وعليكم :)

بأذن الله
اول شي حنخطب وحتملك على بدايه السنه
وحنروح الحج انا والمحروس
وحيلف بيا على كام دوله تعرفوا هوا بيعشقني ويبغى يعيشني احلى عيشه
كمان حتعلم لغات وحتعلم ماكياج
عندي حاجه صعبه في جسمي حعالجها بتسير من الله
كمان حتوظف وظيفه احلامي وظيفه مرموقه والكل بيتمناها
ممكن على نهايه العام حكون في بدايه اشهر الحمل
بتمنى اروح العمرا كام مره في العام
باذن الله حيتغير تعاملي مع من حولي للافضل
بأذن الله حتتحقق اشياء كتيره بيتمنوها اهلي وربي قادر على تحقيقها
بدعي انو ربي يحقق احلامي ويعطيني مااتمنى ويسعدني ووالديني والمسلمين في هذا العام وكل عام
:) شكرا لكي يانجديه عشقت لحظات مليئة بالامل والتفائل
ربي يسعدكي ويحقق احلامكي واحلامي والمسلمين

انا السنه اللي فاتت جبت بنوته قمر ماشاء الله

السنه هذي اتمني من الله العلي القدير ان يعطيني القوه والاراده لأبدأ مشوار الريجيم واحقق هدفي يارب
واتمنى احفظ جزء كبير من القران الله ييسر لي ولكم
يارب