بمناسبه قرب شهر الخير هلمووا

السلام عليكم ورحمه الله وبركاته


طبعا بما ان رمضان جا وبعض العوائل للاسف بسبب غلاء الاسعار وانتشار الفقر مو قادره تقضي لاكل رمضان

بينما قسم اخر يشترون وببذخ


طبعا كثير استلموا حاافز ومستنينه عشان اشياء ثانويه
لكن في ناس محتاجه هالفلوس عشان اولويه الا وهي الاكل والشرب


الارامل الي معهم عيااال و متعففات
الشايب الفقير الي بيته مليان و مديووون و يستحي يطلب
الشاب العاطل الي معه عيله و مو قادر يوفر لهم معيشتهم

وووووو الكثير من المحتاجين الي بيننها وحوالينا ولا ندري عنهم


فكرتي هي

كرتون جيبي اي كرتون كبير من اي بقاله مرمي
خذيه

حطي فيه كيس رز 10 كيلو يجيك 40 او 50 ريال
4 او 5 اكياس مكرونه ماتتعدى 40 ريال
5 كيلو سكر
زيت كبير
كرتون شاي
معجون طماطم
كيس ملح مايتعدى ال 20 ريال
دقيق 5 كيلو يمكن ب10 ريال
علبتين شوفان
كيس حليب بودره

اذا قدرتي على نص خير وبرركه


وتقدرين تحطين حصن المسلم و خواتم تسبيح ومصاحف وشريط قران ولك اجرررهم باذن الله


خذي الكرتون وتلمسي حاجات من حولك وفكري في اقاربك معارفك اي احد تعرفينه تحسينه مضغوط محتاج مديون
خذي الكرتون وحطيه قدام بابهم ودقي ولا يدرون عنك

وبكذا تسدين حاجه متعفف و هنيئا لك بالاجر


وممكن تاخذون كراتين وتودونها القرى القريبه من مدينتكم او الاحياء الفقيره او ارمله تعرفونها

لا يدرون انك صاحبه الكرتون خلي هالسر بينك وبين ربك و زوجك او اخوك الي بيساعدك في نقل الصدقه


احنا النساء اكثر الناس حاجه للصدقات فانصحكم وانصح نفسي بكثرتها برمضااان
وبما ان جاء حافز فحاولي قد ماتقدري تطلعين منه لو 200 و صدقيني انتي احوج للصدقه من هالفقير الي يحتاج الاكل


اللهم اجعل هالموضوع صدقه عني وعن زوجي وذريتي واهلي
اتمنى التفاعل منكم لنتعاون على الخير