السلام عليكم
بنات تكفون مالي احد غيركم ابي مشورتكم صارت ذا الليل مشكله بيني انا وزوجي والسبب بنت الحرام الا لايوفقها والله اني اكتب لكم ودموعي على خدي وماجاني النوم من التفكير واحس راسي بينفجر من القهر السالفه يابنات هي انه انا وزوجي الليل الساعه وحده بنام وكنا على السرير وكنت جنبه وهو فاتح جواله على الواتس اب الا شوي وتجيه رساله مكتوب فيها صباح الخير ومع بوسه ويعدين جته رساله مكتوب فيها الي مأخذك يتهنى فيك هو يابنات والله ارتبك وانا يوم قريتها طبعا هو ماوراني جته الرساله وهو فاتح الواتس اب كان يوريني مقاطع عنده وشفت الرساله بعدين والله يابنات اني جتني حراره في جسمي وصار جسمي ينتفض لان الرساله واضحه انها من بنت لاني يابنات سبق وقلتلكم اني شفت رساله في جوالي زوجي من سنتين من بنت وواجهته وانكر بعدها ماعاد شفت عليه شي ومعاملته معي ممتازة بس يوم شفت الرساله سألته قلتله حبيبي من الي مرسلك بوسه والكلام هذا قالي صديقي انا يابنات متأكده انها بنت لان مستحيل رجال يكتب له كذا وبعدين انا اعرف اخوياه مافيهم ذا الاسم لانه طبعا حاط باسم رجال قلتله رد عليه قالي ماني راد بعدين طلع من الواتس بدون مايرد انا ماقدرت اسكت قلتله اثبت لي انه رجال الي مرسلك ورد علي هو قالي ماني راد وصار كلام بيني وبينه وقلتله انها اكيد بنت لوكان رجال كان رديت عليه وارسلت له بس هي بنات المشكله يابنات انه انا ماهميتها تدرون وش قالي والله جرحني قالي اعجبك ولا روحي لأهلك وجوالي مالك دخل فيه ياليته يابنات اعتذر كان يمكن اتغاضى عنه واسامحه بالعكس احس انه بايعني يقولي لاعاد تفتحين معي ذا الموضوع وجوالي مالك دخل فيه بعدين انا قلتله انا وش مقصره معك عشان تروح تدور الحرام قالي انتي ماقصرتي معي بس هذا صديقي مو بنت بعدين قالي انا مدلعك ومعيشك اميرة بس شكلك انتي ماتبيني وتبين تحطين فيني مشكله عشان تتركيني وهو يابنات الى هالحين منكر ويقولي ويحلف انه رجال والله يابنات انا متأكده انه بنت لانه اسم غريب وبعدين كانه بنت تعاتبه تقوله الي مأخذك يتهنى بك وسبق انا كشفته من سنتين له رسايل حب وغزل مع وحده بس عقبها ماعاد شفت عليه شي وقلت انه تاب ياليت يابنات تنصحوني وش اسوي وش اقوله وكيف اخذ منه موقف لانه انكر وقالي اعجبك ولا روحي لاهلك طيب ليش يسوي كذا مايخاف من ربه الحين انا وهو في مرحلة علاج لنا خمس سنيين بدون اطفال والمشكله منه ومني وسويت حقن مجهري اربع مرات وكلها فشلت والحين عندي موعد اسوي عملية اطفال انابيب بعد كم يوم ليش يسوي كذا ويبي ربي يرزقه وانا قلتها له يابنات انفجرت عليه وقلتله ليش تتعبني تعالج وندور الذريه وانت تعصي ربي وتكلم بنات الحرام وعصبت عليه قلتله اكيد سبب فشل عملياتي بسبب معاصيك لانك تكلم بالحرام وبعدين عصبته عليه وقلتله ماراح اسوي عمليتي بعد كم يوم ليش اتعب نفسي وانت تعصي ربك كيف ربي يوفقنا وانت تعصيه وش اسوي يابنات انا الحين تحت كورس علاج واستخدمت ابر كثيرة وتحددت عمليتنا والله نفسيتي دمار كيف اسوي العمليه وانا نفسيتي تعبانه المشكله يابنات رفض يعترف وانكر ومصر ان الرساله من صديقه بس مااتوقع رجال يكتب كذا لاني اعرف اخوياه مايكتبون كذا واعرف اسمائهم وهذا اسم غريب ولوكان رجال على قولته كان رد عليه بس طلع ومارد عليه عشاني عنده ادري اني طولت عليكم بس مالي بعد الله الا انتم ياخواتي ابيكم تنصحوني كيف اتعامل معه وايش الموقف الي اتأخذه معه وبقولكم حاجه فيه هو طيب معي وحنون ويقولي كلام حلو ومدلعني بس انا موقادرة انسى الرساله الي جته والرسايل الي قبل سنتين والي مزعلني احس انه بايعني ماحاول يعتذر لي لا انكر ويقولي تبيني اهلا وسهلا ماتبيني روحي لاهلك انصحوني باخواتي وش اسوي وحسبي الله على بنات الحرام الي يهدمني بيوت المتزوجين .

صدى الفجر 122 @sd_alfgr_122
عضوة جديدة
يلزم عليك تسجيل الدخول أولًا لكتابة تعليق.

نفسي احقق
•
الله يعينك اختي4 بس حبيت انبهك لاتقذفين امها وابوهاا وتدخلين بالقذف لانها لو بنت حرام اكيد زوجك مثلها وبدين البنت لوماشافت تجاوب من زوجك ماكان تجرات وارسلت له مثل هالرساله وترا اللوم الاكبر ع زوجك مو ع بنت الناس البنت معروفه عاطفيه وتغلبها عاطفتها بعض الاحيان بس زوجك رجل بالغ عاقل ومحصن كمان عنده زوجه بالحلال الذنب الاكبر عليه هو انا ماابري البنت بس اووضح لك لاني اشوف كثير متزوجات تدعي ع بنات الناس طيب وزوجك ؟ لايكون طفل فاقد الاهليه ولامغصوب



تدرين شلون ادري قلبجً محترق بس صدقي جذبته مدامه باعج .. بعدين انتي تعرفينه اذا ارتبك يمكن بنت اذا واثق لاتظلمينه وفي رياجيل اسلوبهم بعضه جذي عبط يمكن كاتبها رفيجه المهم عطيه مجال يمكن هالمره الله يهديه وقوليله كما تديت تدان

طيب خذيه على قد عقله وصدقيه إنه رجال
مو حلوه في حقك يقولك بنت إيوه ولي علاقه بها.. إنكاره خجل من نفسه..
وترى مستحيل يعترف إنه غلطان..
أهدي بعدين أتفاهمي معاه بهدوء .. وكلامك اللي قلتيه له حلو ويخوف يمكن يتوب بعده..
الله يسخركم لبعض
وعالعمليه لاتضيعي تعبك كذا بسبب بنت خرابة بيوت لاتستسلمي وتخليها تاخذه منك
مو حلوه في حقك يقولك بنت إيوه ولي علاقه بها.. إنكاره خجل من نفسه..
وترى مستحيل يعترف إنه غلطان..
أهدي بعدين أتفاهمي معاه بهدوء .. وكلامك اللي قلتيه له حلو ويخوف يمكن يتوب بعده..
الله يسخركم لبعض
وعالعمليه لاتضيعي تعبك كذا بسبب بنت خرابة بيوت لاتستسلمي وتخليها تاخذه منك
الصفحة الأخيرة