بموت من الحزن على فراقك وليدي

السلام عليكم ورحمة الله وبركاتة
اشكر صديقتي على اعطاه لي المعرف لاعرض مشكلتي
انا معلمة عمري 45 سنة عندي 5 بنات فقط قدر الله وحصل معي نزيف اثناء الولادة واستاصلو الرحم
بعد ولداتي بشهرين اخوي زوجي جاء ومعه طفل عمره 3 ايام فقط
قال انه تزوج من امراءة عربيه حبها عن طريق النت وتزوجها بدون علم اهله ؟؟ واكتشف خيانتها له وكانت وقتها حمل انتظر ولدتها طلقها وسفرها
طلب مني انا وزوجي ناخذ الطفل لانه ماعنده احد ياخذه لين ربي يحلها
سبحان الله بس شفته تعلق قلبي فيه رحمته خذيته ورضعته مع بنتي
مرت 10 سنوات واخو زوجي مايسال عن الولد او حتى يشوفه يسافر من بلد لبلد يتزوج متعه ويطلق اللهم لاشماته
حبينا ( مساعد ) وتعلقنا فيه
زوجي صار عليه حادث وتوفى من سنة الله يغفر له ويرحمه
واستمرت حياتنا انا وبناتي ووليدي مساعد
قبل اسبوع وبدون مقدمات رجع عمنا قال ابغى ولدي !!!!!
بعد 11 سنة جاي بياخذ مني نور عيني 😭😭
قلت له انت ماعندك زوجة والولد بخامس ابتدائى حرام تاخذه من بيراعيه
سوى لنا مشكله ومساعد رفض يروح معه طردته وقلت ماتاخذه الا على جثتى
تفجات العصر بدورية عند باب بيتي يتهمني انه خاطفه ولده
اه ياحرقة قلبي اجتمعو الجيران علينا والناس واتصلت على اخواني
كان لسانه طويل وقليل ادب اخواني قالو طلعي الولدوفكينا انفضحنا عند الناس
حاولت اتكلم مع الشرطه قالو ياختي هذه اب ويبغى ولده
طلعي الولد وبلاش مشاكل
حاولت اتفاهم مع ابوه قلت اتركة اقل شي للاجازة عشان مايتاثر نفسيا وتعال اعطيك الدور اللي فوق اسكن اتكفل باكلك وشربك لكن رفض قال هاتي ولدي انت تبغينه يصير شغال لك ولبناتك ؟؟؟؟
انا معلمه راتبي فوق16 الف الحمدلله عندي من يخدمني
ولدي ياناس افهمو
خذو مني مساعد بالقوة والله ياخواتي ان ثوبي انشق من كثر ماهو ضامني صراخ بناتي الكل سمعه وهم يشوفون اخوهم يسحب من حضني
صار له يومين مادري عنه رحت للمدرسة قالو ماداوم الولد
قلبي يحترق اموت باليوم الف مره
ادخل غرفته اشوف العابه والسوني حقه
بناتي متاثرين مره البيت كائيب نحط السفرة وتشيلها الشغاله ماحد ياكل
خايفه عليه مره خصوصا ابوه مو مضبوط اخاف الولد يضيع
بعد 11 سنة تذكر ان عنده ولد 😔 وينه يوم الولد صغير مايسال عنه
من شد الحزن اللي فيني البس عبايتي واطلع للشارع مادري وين بروح فيني ضيقة وكتمة
ادخل غرفتي واحط المخده على وجهي واصرخ ابي اطلع الحزن اللي فيني مابي بناتي يسمعون صراخي
تعبت قلبي يتقطع على حبيبي ونور عيني
مافي احد اشكي له زوجي ماعنده الا هالاخو بس ماله خوات وامه وابوه متوفين
قلة حيلتى ضاقت علي الارض
اه يالنار اللى بجوفي اه يالالم اللي يقطع قلبي
احس انه في يد شقت صدري بلا بنج وقطعت جزء كبير من قلبي لا هاليد وقفت النزيف ولا اناء مت وارتحت