تقولين ماتدرين وين تروحين
وتقولين ماعندي احد اشتكي له
أمن يُجيب المضطر اذا دعاه
ادعوني استجب لكم
اذا حسيتي بضيقه وبتنفجرين من الحزن وضي وصلي ودعي بسجودك ( لاإله إلا انت سبحانك اني كنت من الظالمين ) ادعي هاالدعوه من قلب وبتضرع واشغلي نفسك بالي يرضي ربك واهتمي في بناتك ماشاءالله خمس بنات من اجمل النعم
ربيهم انهم قويات بربهم سبحانه
لا تخلينهم يفكرون ان مالهم احد دام مالهم ابو او اخو
لا لهم رب العالمين سبحانه وكفى بالله وكيلاً
وبخصوص الولد من الطبيعي بيرجع لأبوه ولا تشغلين بالك استودعيه الله سبحانه
وادعي له دعاء بحسن ظن بالله
مو تدعين وتقولين بيضيع ابوه كذا وكذا
لو الناس فكرت كذا ماتزوجوا وانجبوا !!
ياما اطفال مات ابوهم وامهم وهم مواليد والحين ماشاءالله
وياما اطفال ابوهم حالته ضايع وهم ماشاءالله اطلعوا من احسن الناس
وياما اطفال ابائهم الناس تضرب فيهم المثل بالخير والصلاح
وطلعت عيالهم العكس تماماً
انتي لا يزيد حزنك الشيطان
ماالومك ابداً بس ودي ترحمين نفسك وبناتك
لأن هاالشي صار واقع لا دموع بترجعه ولا الحزن والضيق بينفع بالعكس بتضعفين وبتتعب نفسيتك وبناتك لهم حق يعيشون يضحكون يستانسون بناتك اجمعي بناتك حولك وسولفي معاهم وضحكي معاهم واطلعوا واستانسوا واذا حسيتي بضيقه اوصيك بكثرة السجوووووووود ودعاء بسجود
والله نصيحتي لك لأن لا دموع بتنفع ولا الحزن بينفع

اوجعتي قلبي .. ادعي الله ياراد موسى لحضن امه رد لي مساعد ..

يمكن امه تطالب فيه و جاء ياخذه منك و يرجعه لامه
الله لا يحرم عيالنا منا و الله يصبرك و يكون بعونك
حرام كسر قلب امه الحقيقيه و كسر امه من الرضاعه 😪

طيب عطيه يمكن يبي فلوس وخليه يكتبلك تنازل عن حضانه الولد بالمحكمه

استودعيه الله .. وادعي قولي يارب كما رددت يوسف الى ابييه ورددت موسى إلى امه رد لي ابني .. ولا تخافين ولا تحزنين .. الله ارحم به منك وارحم بك من نفسك