بموت من الخوف ,,, لحد يقول لي عااادي !!/ استوفى حقه من الردود

بنات انا في الشهر السابع الحين
وخايفة مرة من الولادة
خايفة بشكل فضيع
صرت مانام الليل من كثر التفكير
اتخيل شكلي وانا ابولد وفوقي الممرضات معهم مقصات ومشارط وسكاكين واشياء كبيرة واتخيل بيطلع مني مخلوق كامل ..................لاااا ومن وين بيطلع ياقلبي !! .... ياربي ماتخيل ماتخيل

احس اني بموت ....احس اني بعاني كثيييير ...... احس اني مشدودة مرة نفسيا ومو قادرة بعدين ادفع وكذا من كثر التراكمات النفسية اللي عندي

مع اني محب اسمع سوالف الحريم عن الولادة وكل ماجاء احد يحاكيني او يشرح لي قصته سديت اذاني ولا كأني اسمع شئ

بنات انا خايفة ............ مدري شلون اوصل لكم حجم الرعب اللي عايشة فيه

انام وانا اردد " اللهم اني اسألك هون الطلق " ...... واقوم وانا ارددها

واحس ربي بيعاقبني على كل ذنوبي وقت ولادتي .......... احس بتطلع روحي واذا شكيت لزوجي يقول لي " حمدالله والشكر كل الحريم مروا بهالتجربة قبلك ..!!"

ياربي طيب ادري ... بس انا ماتحمل ....انا جوارة الصراحة ودلوعة .......

قبل امس رحت موعدي قالت لي الدكتورة ابغى اكشف عليك من تحت !! قلت لها مابي

قالت بشوف الرحم يمكن مفتوح ابتطمن

قلت لو تموتين مابي ........... وتغصبني ..... وانا واياها طقاق لما نفخت علي وارتعت منها واستسلمت .....
والله اني يابنات للحين اتعور ... مدري وش دخلت فيني يقطع ابليسها ........ شئ يعوووور مرة

والشئ الثاني اللي ماني قادرة اتقبله .... وشلون بيولدوني .... مابي يشوفوني خيييير

مقدر مقدر

بالنهاية ابسألكم ...... الحين عادي اقول لهم يطفون النور لو جو يولدوني ؟ وإلا اصلا هو ظلام

لحد يقول لي بتنسين وبتلهين وبتخلينهم يسوون لك كل شئ ....

لا منيب لو اموت صراحة