بموت من الصياح

السلام عليكم والرحمة

اسمحوا ليه خواتي غثيتكم معاي

بس مالي أحد أشكي له

سمعوا مشكلتي اليوم

الكل عارف إنه بنفصل عن زوجي.. وإنه بيننا المحاكم

البارحة ولدي عمره سنة ونص ماسك تلفوني يحاول يضرب ارقام وينادي على اسم ابوه

ويناديه بصوت عالي

ويرد مرة ثانية يضرب ارقام ويشوف ماشي جواب من الصوب الثاني

تقطع قلبي وقعدت اصيح

أحس إني حرمته من أبوه مع إني أعرف إنه ما كان بيحس بحنانه لو كان قريب منه

واليوم نفس الحال.. شل تلفون الوالدة وقعد ينادي باسم ابوه...

فقررت إني أطلعه عشان ينسى... ما قدرت أطلع فقلت للوالدة ربي يحفظها تطلعه

كل سيارة تمر عدالهم كان ينادي عليه... ينادي بابا,, بابا

والله إنه قلبي متقطع أشوف ولدي جيه..

بس ما أعرف شو أسوي

والله أكتب والعبرة خانقتني....

آآآآآآآآآآه بس آآآآآآآآآآآآآآآه... الولد متعلق في أبوه وأبوه ما يكلف على نفسه ويجي يزوره ولا يجيب له شي

شو أسوي؟؟؟

مب قادرة أتحمل ولدي بهالموقف