بموت من القهر بسبة سهر زوجي برا

السلام عليكم ورحمة الله وبركاته
بدخل في الموضوع على طول زوجي رافعلي ضغطي بمووووت من القهر وامي من ناحيه
زوجي يحبني ويموت فيني بس انو يحب يسهر برا عند اصحابه وما يجي الا الفجر وساعات بعد الفجر بكثير لما اكون عند اهلي وامي تقولي خليه يجي بدري واصلا هوا لعاب وصايع ولا داري عنك
ووا لما يروح عند اصحابه ينسى الدنيا حاوووووولت معاه يجي بدري على 3 او 4 يجي يوم يومين بعدين يرجع يتاخر وكمان يخليني ابيت كم يوم وامي تجلس تخاصم تكرهني اني جلست عندهم
فيه شي كمان هوا كسلاااااان لما اقوله مشيني يقولي طيب الصباح في الليل زحمه الصباح نخرج ندور في السياره وهذا كله بعد طلوع الروح ونرجع زوجي غربي صعب التعامل معاه والله تعبت ولا اعرف كيف اتعامل معاه معنو لسا ليا سنه وكم شهر من لما اتزوجت ياجمااااعه والله تعبت انا دحين الربوع جيت عند اهلي وعلى الاساس يجيني الخميس الفجر بعدين قالي خلاص بعد صلاة الجمعه قولتله طيب لان جتني الدوره وكنت تعبانه
قام رسلي رسال بعد الصلاه كنت نايمه لما صحيت كلمته كان نايم قالي خلاص لما اصحى بجيك
اتصلت بعد المغرب قولتله صحيت قال ايوا قولتله طيب انا بروح مع اخويا بتمشى لانه هوا بيطلع روحي عشان يمشيني قال طيب قولتله بس تجيني اول ما ارجع قال طيب
اتصلت او ل مارجعت قال انا دحين مشغول جالس يلعب بلوووت قولتله متى بتجيني قال بعدين لما اخلص وقفل
قامت امي خاصمتني تقول اصلا هوا مو رجال وتقول لابويا كلمه ليه مخلي حرمتك كم يوم عندنا ليه تكذب عليها كل شويا تقول بجيها ولا تجي انا مني عارفه ايش اسووي ما ابغى الموضوع يكبر
بس هوا رافع ضغطي كله عشان اصحابه الله ياخذ الي اخترع البلوت
يابنات الله يسعدكم انصحوني ايش اسوي انا ما عندي احد
سامحوني كلامي ملخبط بس من القهر الي فيني