بموت من القهر والألم على نفسي , مادري لي متى هالظلم ؟؟؟

السلام عليكم
بنات مقهوره ودمعتي على خدي وابي اتكلم ويا اي احد وافضفض , مالي الا انتو من بعد الله
ارجوكم لا تتركوني ولا تستهينون بمشكلتي ...
اول شي انا كنت متوفقه جدا في الثنوي ,, يعني كان معدلي مرتفع وكنت الثانيه على مدرستي ,, حصلت بعثه دراسيه وخلصت بكالريوس , وبقيت سنتين لا شغل ولا مشغله , يابنات ما تركت مكان ما قدمت فيه , واشوف بعيني الي عندهم الواسطة يتوظفون وانا على حالي , الي كانو ولا شي بالمدرسه والجامعه توظفو وظايف عدله اللهم لا حسد وانا قاعده انطر نصيبي من الوظيفة بالبيت , قررت اكمل ما جستير , وكملت وفي هالوقت حصلت وظيفه ما تليق بشهادتي واشتغلت بها وكانت اختلاط شديد يعني كأننا عايشين ببلد مو مسلم البنات فالينها والصبيان بعد قررت اني ابتعد عن هالجو مع ان الراتب كان ممتاز وكنت احلم باليوم الي اتوظف فيه واترك قعده البيت لكني قدمت استقالتي ما قدرت اتحمل الي اشوفه الله يهديهم , بيئه منحطه مع الاسف ...
يابنات انا متوفقه وعندي ما ستر وقاعده بالبيت لا شغل ولا مشغله , تعبت ادور وظيفه , تعبت نفسيتي الله يعلم وحده بحاجتي للوظيفه , تعز علي نفسي انا الي تفوقت في كل المراحل بالمدرسه والجامعه هذي حالتي ؟؟؟ صحيح الدنيا ارزاق بس يابنات الي عنده واسطه يشتعل والي ما عنده نفس حالتي ..
انا مؤمنه ان الله هو واسطتي والنعم فيه , ومؤمنه ان رزقي مكتوب لي من انا بطن امي , لكن يابنات مليت مليت وتعبت , ابي وظيفه حالي حال الناس , ابي راتب واستقلاليه , ابي اعتمد على نفسي , ابي احس روحي درست وتعبت وجنيت ثمار التعب , مع الاسف مجتمعنا قايم على الواسطة والي يتعب والي ما يتعب سواء ...
بنات حز في خاطري شي اليوم , انا كنت ميته واتوظف بالجامعه الي درست فيها ماجستير , قدمت كذا مره , وكلمت كذا مديره ومدير , فتحت ويهي للي يسوى والي ما يسوى وهم يسكوتي ويوعدوني خير , اليوم كنت رايحه الجامعه لبعض الاوراق وانصدمت انهم موظفين بنات صغار توهم متخرجين من البكالريوس وبعضهم ليلحين ما تخرجو , انصدمت صحيح هذا رزقهم , لكن حزت بنفسي اني ادور الوظيفه عندهم من زمان ومافي احد ماكلمته بالجامعه واخرتها ما ياخذوني ولا شئ,,,
ااااااااه تعبت يابنات ادعولي بالوظيفه نفسيتي تعبانه ماعندي شي اسويه طول اليوم بالبيت لا شغل ولا مشغله ,, تعبانه حيييل يااابنات , شنو فايده شهادتي وانا قاعده بدون عمل ؟؟؟؟ ياليتي مادرست لو ادري ان هذي حالتي ...
بنات الي عندها رد يجرح توفهر لنفسها لاني في حاله ما يعلم بها الا الله . بليز ابي دعواتكم تعبت يااابنات
ادعولي بالوظيفه السنعه ياابنات