بموت من القهر يقول ل 100 ريال وتخب عليك

مساء الخير بنات


عندي موضوع قاهرني ومنكد علي امس اسولف انا وزوجي قال لي انه كان يعطي طليقته مصروف مع انو راتبها كبير مره ماشاء الله فوق ال 10 وكان يسدد جوالها انا عادي طبعا لانها كانت زوجته وواجب عليه يصرف عليها مع انو راتبه اقل من راتبها وجايب لها شغاله , بتقولون وين المشكله ؟


المشكله اني تذكرت انه قبل شهر قلت له ان رصيدي خلص وسألني قال لي فاتوره جوالك قلت لا شحن كروت وسكت , وانا ماكان ودي احوله عام عشان ماتكثر عليه المصاريف مالت علي بس , ترا انا توني عروس المهم نزل البقاله قلت له جيب كرت ب 300 قال هههه 100 وتكفيك وتخب عليك بعد انا سكت لانه ماكنت ادري انه جوال زوجته الأولى كان عام وكان يسدد لها وهي موظفه , عاد الحين بموت من القهر يعني أخاف على فلوسه واحفظها واوفر عليه وبالاخير طلع يسدد جوال الهانم ويمشيلها راتب شهري وشغاله يحلف لي يقول ماتدفع ريال واحد في البيت !!!!


من جد قالوا لي قبل لاتاخذين واحد متزوج او مطلق بتتعبين من جد منقهره واللي قاهرني وبيموتني اكثر اني ابي اعرف كم كان يعطيها راتب المشكله اذا سألته بيكذب علي على أساس كذب ابيض وحتى لو حلف مااصدقه لانه مره حلف لي كذب ودي اجيب المصحف بس بيطلع شكلي بايخ كأني بزر , على فكره زوجته الأولى ماكانت تعطيه وجه تجي من الدوام المغرب وتنام وكل شي ع الشغاله حتى يقول لي انها ماكنت تجلس معاه مافيه وقت وانا اللي يجي من الدوام يلقى البيت يلق لق من النظافه والاكل جاهز والوجه البشوش والابتسامه وبالاخير 100 وتخب علي !!!


وقبل فتره رحنا نأثث للبيت والله اني اوفر عليه ادور ارخص الاواني المنزليه والاثاث مع ان الأولى ماكان يهمها فلوسه يدفع وهو ساكت وكانت كل أسبوع تسافر الشرقيه وياخذون شاليهات ولما قلت له اخذ لي شاليه قال ماعندي فلوس !!!
لا ومانعني من الوظيفه وانا شارطه وظيفه الحين كيف اعرف كم كان مصروف زوجته لاني ميته من القهر ترى محد راح يحس فيني الا اللي ماخذه وتحد مطلق لانه طول الوقت وهو يقارن بينها وبين طليقته من ناحيه الجسم والجمال ...