بموت من ولدي تكفون عطوني حل

بنات تكفون ابي حل ولدي مره قليل ادب عمره ثمان سنين الفاظه وصخه ويسبني ويلعني ويرمي على الجزم ومفشلني عند الناس والله بموت منه غير الالفاظ الوصخه الي ماادري من وين يجيبها بنات تكفون ابي حل وكلن يتشكى منه بيت اهله وبكل مكان ودايم يسوي نفسه كبير ويحسب الكبر بقلة الادب والله الي يشوفه يقول ولد شوارع صرت اكره اطلع لناس بسبته والله والله مره ضايق صدري منه واخوه الصغير صار يقلده بعد وبنتي عاقله بس تحب تعاند وترفع صوتها علي وادا هدت تحسفت ياربي ولا واحد من عيالي يحترمني البنت عمرها عشر سنين ولياصغر من اخوه ثلاث سنين ماادري انا مسويه شي بحياتي خلى عيالي كدا ولا مدري ياربي لاتعاقبني وتهديهم يارب يارب حتى امي يتلفظ عليها اول اطقه والحين صرت امسك نفسي بس كيف اعاقبه ماادري المشكله الحين عطله ولا كان قعدت بالبيت وحرمتهم من الطلعه بس حرام تروح عليهم العطله كدا وبعد اخدت منه الاي باد وماراح اعطيه بس ادا عندكم حلول تكفون ارشدوني للطريقه الصحيحه لتاديبهم وجزاكم الله خير