بموت يادكتوره ويابنات من الحكه.....؟؟؟؟

اختي انا اعاني مثلك من الحكه في كامل جسمي وابتدت معاي من الشهر السابع ..بس انصحك ببعض الشغلات الي تخفف منها كثيرا

1- البسي ملابس قطنيه 100% وناعمه وواسعه ..او دشاديش كودري اذا تعرفيهم الي يصيرون باردين على البشره ..واجد يخففون من الحكه ..يعني اي شي خشن و حار على الجسم وضيق من الملابس تجنبيه

2 -استخدمي صابون sebamed في السباحه لان خالي من المواد القلويه ..وجيد للجسم الحساس ..انا استخدم الصابونه البيضه منه

3- انتبهي لاكلك يمكن بعض الاطعمه تزيد من الحساسيه ..مثل البيض او الباذنجان او الموز ..بس مو شرط لكن انت شوفي حسب تجربتك

4- حاولي عند غسل ملابسك تشطفيهم عدل من الصابون

5- تجنبي العطور او الكريمات المعطره لانها تزيد الحكه

ولا تحرمينا من دعواتك

زي ماقالت اختى جولد الصراحه كفت وفت
بس حبيت ادعي لك ان الله يذهب عنك البأس ويشفيك عاجلا بأذنه تعالى

هذي الحكة لا بد منها ...
انا لما سالت الدكتورة عنها قالت لي انو ما لها حل ...
مثل ما جت بحالها ... تروح بحالها ...
لكن اللي قالت عليه الاخت جولد ستار يخفف من الحكة ....

الله يعينك عليها ... مريت بنفس التجربة وانا بالشهر الثالث ...

هل معها انتفاح وتغير في الجلد.............اذا كانت ارتكاريا حمل مثل اللي جاتني
كان علا جها ماء نظيف تتغسلي فيه كل شوي
محاولة البقاء بدون ملا بس عدة ساعات
ممنوع الصابون والشامبو على المنطقه
ملابس قطنيه
من شدة مااصابني وهول المنظر وصف لي طبيب الجلديه كريم موضعي يحتوي على الكرتيزون
ولمدة يومين من الكريم اختفى تماما
الحمدلله

قولد ستار وراعيه مبدا وهنادي وليلك قولو امين الله يوفقكم وين مارحتو ويغفر لكم كل ذنوبكم ويدخلكم الجنه من غير حساب ولا عذاب وانا معكم والدي والديكم..مشكورات على التعاون والرد لكن ها الصابونه ياقولد ستار تخفف كثير واحصله باي صيدليه..؟ياراعيه مبدا صحيح مثل ماقلتي معه انتفاخ بس كيف استخدمها ومعه كرتزون وانا حامل مايضر الجنين...