بموووت من الحرة..تعالوا ابي افضفضلكم

هلا بخواتي الغاليات..
ابيكم اليوم تقرون موضوعي وتردون علي تكفوووون لاني امعصبة وابي حد افضفضله واسولف معاه.. ومشكلتي هي نقاش بيني وبين خطيبي..وانا بقولكم السالفة على اجزاء...

الجزء الاول
كنا طالعين مكان وانا كنت فبيتهم قاعدة فالميلس ويا ام خطيبي..دشت علينا اخته الكبيرة وهي عمرها 20 سنة لابسة عباية ضيقة .. انا استغربت وسكتت الا اتقول ابي اودي عبايتي الخياطة اضيقها لانها وسيعة!!! قلتلها العباية ضيقة ومبينة جسمج من ورا قالتلي انتي عبايتج وسيعة كيفج انتي وريلج المتعقد (اخوها) !!

الجزء الثاني
فنفس الوقت اخته الصغيرة وعمرها 19 سنة نادتني عشان اعلمها تلبس النقاب لانها تتغشى واول مرة تلبسه وكان اخوها اللي هو خطيبي واقف .. قلتلها روحي شيلي مكياج عينج لانها كانت مكحلة عيونها وراسمتها قالها اخوها اي صج روحي شيليه قالت لا مب شايلته وعادي اصلا رسمة العين هذي انا مسويتها عشان شكلها ايخوف اي واحد بيطالعني بيخاف يتحرش فيني.. انا سكتت بس من داخلي معصبة وابي انفجر..

الجزء الثالث
اخوهم كل شوي ايقولي شوفي خواتي وشوفي خواتي ماشالله عليهم حاشمات اعمارهم ويستحون ومدري شنو... وايحسسني كاني انا اللي مااستحي وجاية من الشارع..

الجزء الرابع
البارحة كان امعصب من امه لانه ايقول امدلعة خواته ومخليتهم على كيفهم فأنا قلتله السالفتين اللي صاروا تدرون شقالي؟؟؟؟

عااااااادي من حقها اختي تلبس عباية حالها حال هالبنات.. والثانية سمعتيها اشقالت هي تحط الكحل لانها اتقول ايخوف الشباب .. قلتله خلص انا بعد بحط باجر قالي لا انتي بتحطين عشان اتبينين عيونج حلوة بس اختي فديتها ماتللف وتدور ومالها هالسوالف!!!!!!!!!!!! ودام انها طالعة ويا اهلها واخوها عادي تسوي اللس تبيه...

وانا مانعني اطلع من هلي وقبل ماانخطب ماكنت اتغشى .. وليومكم يعيرني بهالشي وايقولي انتي هلج مايغارون عليج ويسمعني كلام يجرح..ويوم اقوله انا كنت صغيرة ايقولي شوفي خواتي ومدري شنو....

تكفووووووووووون بموووووت من الحرة...انا سكتت لان الكلام وياه مايجيب فايدة بس قولولي شسوووووووووووي....

اسفة على الاطالة بس والله دمي يغلي...ابي ردودكم وارائكم والله لايحرمني منكم يالغاليات....