مرحبا حبيبتي ,, شكلك مرررره مهتمه فالموضوع ..
انا راح اجاوبك على اللي اعرفه ,,
لما يكبرون ياعيني يشتغلون بالنسبه للاولاد ولهم الخيار في الاستمرار فالدار او لا ..
والبنات يدرسون و يزوجونهم من اولاد من الدارواذا حصل لاقدر الله طلاق ترجع للدار عادي ..
الشي الثاني الاسر البديله :
هي اسره تقدم على الدار تطلب منهم كفاله لطفل يكون معهم فالمنزل طبعا بشروط معينه او من دون شروط , و تقوم لجنه من الدار بدراسه للاسره المقدمه للطلب من ناحية المعيشه وعدد الاطفال والديانه ومدري اذا فيه شروط زياده او لا المهم اذا توافرت فيهم الشروط يعطونهم الطفل مع دخل شهري ثابت للطفل لتلبية احتياجاته (( طبعا تصرف من وزارة الشؤن الاجتماعية رواتب الاطفال ))
بالنسبة لمعيشتهم داخل الدار سواءالحكومية أو التابعة للجمعيات الخيرية يتم استلامهم من المستشفى وتقديم كامل الخدمات الاجتماعية والتعليمية والتربوية والصحية والنفسية لهم وجميع احتياجاتهم الشخصية من مأكل وملبس واي شي خلال نظام الحياة الأسرية بحيث تتكون كل دار من مجموعة أسر بها عدد بسيط من الأطفال مع الأم السعودية البديلة(( الموظفات في الدار او من المتطوعات ))
خلال اليوم الكامل( طبعا يكون فيه مناوبات ) ويتولى الإشراف عليهم كادر إداري وفني من المختصات في الخدمة الاجتماعية وعلم النفس ..
وايضا فيه عندهم خدم بس اللي اعرفه انه في بعض الدور يلاقون معامله شينه من الخدم لانه لما يبول او يوسخ الله يعزكم يضربونه عند التنظيف (( حسبي الله ونعم الوكيل ))


اما بالنسبه انك تقطعين هاذي الظاهره فاسمحي لي ياعيني ما تقدرين لانه مافيه قضاء نهائي للظواهر الاجتماعية قولي بحاول التخفيف منها ممكن لانه الشخص ما يقدر يعدل العالم على كيفه ولو يقدر كان قدر الرسول صلى الله عليه وسلم ان يجعل كل الناس مسلمين ...
هذا اللي عندي وان شاء الله اكون قدرت اوصل لو جزء بسيط من المعلومات اللي تبينها ...
تحياتي لك وكل سنه وانتي بخير ياعسل ..

اعتقد العدد اكثر من العام الماضي

ممكن افيدك تسلمين

الحمد لله الذي عفانا ممن ابتلاهم وفضلنا على كثير مما خلق تفضيلاً

ياليت نغير مسمى لقطاء لذوي الظروف الخاصه مراعاة لشعورهم

الله يعينهم واذا اهاليهم تركوهم الله ما تركهم